اكلتى المفضله......؟

السلام عليكم ورحمه الله وبركاته



بسم الله الرحمن الرحيم


بمناسبه شهر رمضان وطبعا كلنا صايمين بقه وبيبقى نفسنا ف اكلات معينه


فا انا مش هحرمكم من حاجه


الموضوع عباره عن اكلتى المفضله او اكله بعرف اعملها كويس او بحبها جدا او نفسى اكلها او اكله مخترعها

كل عضو فينا هيتفضل يدخل يكتبلنا اكلته المفضله وطريقه عمايلها

وكمان هيكتب ف الاخر شخص محبب ليه يحب يعزمه معاه ع الاكله دى سواء معانا ف المنتدى او من اخرج المنتدى...


ايه رايكم يلاااااااااااااااا عاوزين تشجيع جامد ويلا نبتدى


يارب الموضوع يعجبكم فكرته...

ههههههههههههههههه


بالهنا والشفا

فى منتهى الجمال الفكره
وانا فى اكلات كتير بحبها لكن خلينا نبدا بواحده المره دى
وهو المحشى وانا بحب المحشى البتنجان و ورق العنب لكن بما ان اللى هعزمها عليه بتحب الكورمب فخلينا فيه
اولا بنجيب الكورمبه ونسلقها وبعدين نقطع الورق قطع مناسبه
ونعمل الصلصه ونجيب حبة زيت فى حله فاضيه ونقلب فيها الرز من غير صلصه لحد ما ينشف شويا ونقطع قرن فلفل وفصين ثوم ونخلطهم مع بعض ونقطع الخضره عليهم ونضيف عليهم الصلصه ونقلبهم مع بعض
وبعدين نلف الكورمب ونرصه فى الحله ونضعه على البوتجاز ونضيه عليه الشربه ثم
بالهنا والشفا
وانا بعزم عليه اختى عاشقه الاقصى وبقول لها ده بدل العزومه اللى كنسلتيها

هوة موضوع جميل فعلا انا بحب اكلة اسمها الكبسو وهية اكلة سعودية وبتبقى عبارة عن ماعز او ضان مشوى على الفحم مع الارز بالعصفر والحبهان واحب ان يكون معى صديقى واخى الاكبر هاشم لانة هوة اللى بيعرف يعملها زى السعوديين

موضوع بجد يا زا مون جة فى وقتة وموضوع فى منتهى الروعة اية رايك نحطة فى قسم المطبخ حينفع ناس كتير
وكمان فعلا موضوع يحتاج التثبيت

والاكلة الى بحبها هى بطاطس بورية وطبعا الى علمهانى انسن بعزة جدا وغالى عندى جدا وبموت فية فعلا
وهى اننا بنسلق البطاطس ولغاية ما نسلق البطاطس بعمل اللحمة المفرومة وطريقة تحضيرها بنقع بصلتين متوسطين وونحمرهم وبعدين نحط عليهم اللحمة المفرومة وبعدين نحط الطماطم ونسيبها تسبك وفى ناس بتحب تحطلها فلفل بيبقا مع البصل لو عايزة وطبعا نسيبها لغاية ما تسبك ونجيب البطاطس بعد ما تتسلق نفرش جزء منها على الصنية ونحطة طبقة اللحمة المفرومة وبعدين نحط الباقى من البطاطس ونغطى البطاطس من فوق وش بيضة مع بقصمات مكسر ونحطها فى الفرن وبالهنا والشفا احب اعزم معايا حبيبي الى علمنى الطريقة دى واقولة ياترى عرفت اعملها ولا لا ؟؟؟؟؟؟؟؟؟؟

هههههههههههههههه


طعمها جميل اوى

يالهنا والشفا

انا بقى بموت ف المشويات هممممممممممممم

هعمل فرخه ع الفحم الاول هنقطعها قطع مناسبه وبعدين هتبلها كويس اوى لمده اربع ساعات كده وبعدين هتتشوى ع الفحم ف اسياخ ومعاها بقى شيبسى وطرانشات طماطم وسطله طحينه وبيبسى كمان هههههههههه مش هحرم نفسى من حاجه


وهعزم معايا انا واعز الناس ليا بس...

بحب اكل المكرونة بالزيتون جميلة جدا بنسلق المكرونة ولغاية ما تتسلق المكرونة نكون قعنا بصل وحمرناة مع الزيتون نص تحميل كدة ونحط الصلصة ممكن دلوقتى او فى الاخر مش حترفق حسب الى بحبها مسبكة او زى ما هى وبعد ما تسبك الصلصة نحط المكرونة وجمبها برجر انا جعت بصراحة ههههههههههههههه

وحعزم اممممم انسان بسيط معايا يلا بس هو وجى يجيب المكرونة والزيتون والصلصة والبصلة اجيبها انا من عندى وامرى لله هههههه