ليه؟؟؟؟؟؟؟؟؟؟

ليه لما نيجى نمشى فى المطر لظروف استثنائيه بنروح رافعين أكتفنا لفوق؟هى هتعمل ايه يعنى؟؟


ليه لما نحس أن احنا دخلنا طريق غلط واحنا سايقين العربية بنخفض صوت الكاسيت أو الراديو؟

ليه لما بتكون بطرية الريموت شبه فاضيه ,بنضغط على الزراير جامد؟؟


ليه لما حد بيهادينا قلم جديد ..أول حاجه واحنا بنجربه بنكتب اسمنا؟؟


ليه بنقول هديه مجانيه؟مش المفروض ان الهديه مجانيه؟؟


ليه لما نكون جوه البيت والسماء بتمطر بنسأل هو الجو بيمطر بره؟هى عمرها مطرت جوه؟؟


ليه لما واحد يقولنا خلى بالك الحيطة لسه الطلاء ما نشفش ما نصدقوش ونمد صوبعنا ونتاكد؟؟


ليه الخدمه بتكون سريعه لما المطعم يكون مزدحم اكتر من لما يكون نص نص ؟؟


ليه الواحد لما بيركن العربية فى موقف فاضى اللى جاى وراك بيركن جمبك؟؟


ليه دايما لما حد بيجرى يلحق الاتوبيس تلاقيه مبتسم او بيضحك؟


ليه بنفتكر ان لما ندوس على زرار الاسانسير كتير هاييجى بسرعه ؟او مثلا ليه لو واحد جه بعدك وانت مستنى الاسانسير بيدوس على زرار الاسانسير ولا كانك موجود؟؟


ليه واحنا بناكل الطفل الصغير فى فمه بالملعقه بنفتح فمنا؟؟


ليه دايما عندنا استعداد تام نصدق اى حد بيكلمنا فى ودننا..او بيوشوشنا؟


ليه لما بنتصل بالتليفون..دايما النمر الغلط مابتكونش مشغوله؟


ليه لما بنصحى من النوم دايما بنحس ان كمية النوم ناقصها عشرة دقايق؟؟


ليه الشخص اللى بيشخر وهو نايم دايما بينام الاول؟؟