واتفزعت لما لقيت ايدى جو الحيطه!!!!!

السلام عليكم ورحمة الله وبركاته

قمت من النوم فجاة
فى عينى نور غريب وقوى جدا استغربت النور ده جى منين!!! واندهشت لما لقيت الساعه بتشاور على 3 صباحا!!!!
وان مصباح الغرفه مطفى
طيب النور ده كله جى منين؟؟؟؟
وانفزعت لما لقيت نص ايدى جو الحيطه..... شديتها بسرعه
خرجت وانا ببصلها بكل اندهاش رجعتها تانى لقيتها دخلت جوه الحيطه!!!!!!!!!!
استغربت ايه اللى بيحصلى ده وسمعت صوت ضحك بصيت نحيته لقيت اخويا نايم جمبى ولقيته بيحلم
بيحلم انه راكب عربيه اخر موديل وانه رايح حفله كبيره اوى لناس اغنياء قوى وانه لابس اغلى واشيك لبس عشان يكون احلى واحد فى الحفله وكان بيضحك وفرحان
ابتسمت وبعدين اتفزعت من اللى بيحصل وقمت من على السريروجريت على اوضة ماما وبابا
وقعدت اصحى فى ماما واطبطب عليها واناديها بس هى مش بتستجيب قعدت اناديها كتير واطبطب كتير ولقتها فجأه قامت وكانت مخضوضه قوى وبتبص يمين وشمال
قولتلها يا ماما انت مش شيفانى
لقتها مش بترد ولا بتبصلى قعدت انادى ماما...ماما كانت حاطه ايديها على قلبها وبتقول بسم الله الرحمن الرحيم
ولقيتها بطبطب على بابا وبتصحيه وقام وقالت له قوم نطمن عى الاولاد
قال ده وقته
قالت معلش قلبى مش مطمن
فى حاجه غريبه وانا واقف مستغرب قعدت اقول لها يا ماما انا اهو يا ماما انت مش شيفانى
قامت ومشيت حاولت امسك هدومها لكن الهدوم مش بتتمسك جريت وقفت قدمها عدت من جوايا ملقتش غير انى امشى وراها وبابا كان ورايا محاولتش ابصله
عشان ما يتجاهلنيش برده
دخلت امى الاوضه وفتحت النور
مكنش عندى فرق لان الدنيا كانت منوره اصلا واتفزعت لما لقيتنى نايم على السرير وقعدت ابص لجسمى وايدى وانا مستغرب
انا ازاى بقيت اتنين؟؟!
انا مين ..ومين اللى نايم على السرير...دانا مكنتش انا
وقطع استغرابى جملة بابا "استريحتى يا ستى اهم نايمين اهم"
لكن هى قالتله معلش انا عاوزه اطمن على محمد ولاقيتها بتقرب منه ...قصدى من الشخص اللى نايم مكانى وبتطبطب عليه كانت بتقول يا محمد لكن هو مش بيرد وكانت بتطبطب بشوش وبدات تهز جامد وجريت عليها وقلتلها يا ماما انا اهو دى عليا
لكن صوتها كان بيزيد خوف وكان بيعلى وكانت بتنادى ..محمد ..محمد....وفجاه صرخت ولاقيت الصرخه بتوجعنى اوى كانها بتضربنى بكيت وقولتلها متصرخيش وهى بتقول محمد بابا جرى عليا وحط ايده على وشى وصرخ وبكى
وحست بالوجع تانى وانا مش عارف اعمل ايه
اخويا صحى على الصوت وهو بيسأل فى ايه؟
ماما صرخت ...أخوك مات يا احمد..............

وانا بقولها ببكائى لا والله يا ماما شوفينى انتى مش سماعانى لكن مفيش امل بصيت للسماء وقلت ياارب
ايه اللى بيحصل ده لكن ملقتش سقف
وشفت ناس ولما شوفتهم مشيوا وحسيت بطعنه غريبه وحاجات بتقطعنى
بصيت لاحمد لاقيته بيصرخ ....قلتله اسكن انت بتعذبنى لكنه كان بيزيد فى الصراخ
وماما بتبكى فى حضن بابا والنحيب بيزيد وقفت قدمهم عاجز ومزهول رفعت راسى تانى وقلت يا رب
ايه اللى بيحصلى يارب فى ايه
وسمعت صوت من كل حته كان جى من بعيد ركزت معاه لقيته بيعلا وبيزيد كانه قرأن
ايوا قران والصوت بدا يقوى يقوى قوى هزنى من شدته كان بيقول
" لَقَدْ كُنتَ فِي غَفْلَةٍ مِّنْ هَذَا فَكَشَفْنَا عَنكَ غِطَاءكَ فَبَصَرُكَ الْيَوْمَ حَدِيدٌ "
زهول الصوت لقيت ايدين بتطبق عليا اتنين شكلهم مش من البشر تعالى
انتم مين وعوزرن منى ايه

شدونى
صرخت سيبونى ما تخدونيش من اهلى اهلى فكرنى مت
قالولى ما انت مت فلا
قلتلهم ازاى ما انا شايف اهو وبتكلم وحاسس بكل حاجه
ابتسمو وقالو: عجيب امركم يا بشر كلكم فاكرين ان الموت نهاية الحياة وما تعرفوش ان حياتكم موت وحلم طويل هتصحو منه على اليوم ده على العالم ده
سألتهم: انا فين وانتو واخدنى على فين قالولى: احنا حراسك لحد القبر
ايه انتو هتدخلونى القبر؟؟ردو كل انسان لازم يدخل القبر
بس انا عمرى ما دخلت القبر ده........
مكتوب على كل البشر
طول عمرى كنت بكره الكلمة دى مبحبش اسمعها بستعيذ من الله منها مكنتش اقدر اتخيل نفسى فى المكان الصعب ده
سألتهم بخوف:هتسيبونى ؟قالولى مع عملك ..طيب وعملى ده كويس ....
سكتوا..........
ولقيت واحد بيصرخ ويبكى وواحد تانى سعيد قوى وكل واحد فيهم واقف معاه اتنين برده زى اللى معايا سألتهم
ده بيبكى ليه ...قالو ده عارف مصيره عمرة كان من اهل الضلال قلت يعنى رايح النار
واللى بيضحك ده رايح الجنه ....طيب انا رايح فين ؟؟؟؟؟؟؟؟؟
قولولى ردو عليا
هما كانو عارفين هما ايه فى الدنيا ودلوقتى هما عا فينهما ايه فى الاخرة وانت عشت طول عمرك تايه متردد شويه تمشى صح شويه تمشى غلط ....تتوب وترجع تعصى تانى ماكنتش واضح
هتفضل برده النهارده تايه مش عارف حاجه اتفزعت وقلت ايه يعنى انا رايح النار................
قالولى رحمة ربنا واسعه ولسه الرحله طويله
بصيت ورايا لقيت عمى وابويا واخويا وماشيين وراهم امى واهلى
بيبكوا شايلين صندوق وجريت عليهم ناديت محدش بيرد ناديت على امى قلتلها يا امى ما تبكيش ادعيلى ناديت على بابا قلتله خلى بالك من امى واخويا ناديت على احمد قلتله يا احمد خلى بالك من نفسك سيبك من الدنيا ومتاعها دى رخيصه قوى صدقنى مش هتنفعك
ناديتهم كلهم بس كانو مشغولين بالبكاء ومحدش سامعنى مكنتش بتمنى حاجه فى اللحظه دى الاانهم يسمعونى
وشدنى الملكين ونزلونى القبر ونيمونى فوق الجسد عشان اشوف ابويا وهو بيرمى التراب عليا بنفسه
علشان اشوفهم وهما بيودعونى وخوفى عليهم انهم مش حاسين باللى انا حاسه
وحسدى ليهم انهم لسه فى الدنيا .....بس للاسف كنت ببكى وهما بيبكوا كنت خايف عليهم من الدنيا
قوى واتمنى لو اصرخ ولو يسمعونى...............