الميك مع العضو ((( عاشق الاقصى )))

شكرا على التدبيسة
يلا باة هو انتم هتسالوا ولا أنا الأتكلم
ولو عاوزين تسالوا أيه أسألتكم وانا هجاوب عليها بكل صراحة والله

لا اخى فى الله انت اتكلم الى انت عايز تقولوة عن طريق اليومين الجاين نكون نزلنا اسالتنا بعون الله

اكيد طبعا زى ما الاخت زهرة المدائن قالت
1- الاسم ؟

2- الوظيفه ؟

3- مكان الميلاد ؟

4- العمر ؟

5- اذكر لي موقف مش هتنساه طول حياتك + موقف محرج

6- اذكر لي منتدى تحبيه اكثر وليه ؟

7- صديق الطفولة ؟

8- ما رايك بالخيانة ؟

9- حلم حياتك ؟

10 - بلاد تتمني ان تزورها ؟

11 -ايه اللى نفسك تعمله لدينك لكن مش عارفه تعمله او مش لاقي الفرصه اللى تساعدك على هذا؟

12-هل انت راضي عن نفسك ؟

13-ما هي هواياتك اكيد غير الانترنت ؟

14-هل تعتقد ان ممارسة الرياضة مهمة للبنات ؟
لماذا ؟


15-اذكر حديثا للنبي عليه الصلاة و السلام تحبه و تعمل به؟

16-اذكر بيتا من الشعر تحسبينه يلخص حكمة ما ؟

أوكى هجاوب
1/الأسم: هيثم جمال محمد
2/الوظيفة: لسة طالب رايح ثانى ثانوى
3/مكان الميلاد: مصر. أسيوط. ديروط... كفاية كده ولا تاخدوا العنوان بالكامل هههههههه بس مقيم بالسعودية حاليا من سنتين واربع ايام بالظبط
4/العمر: 16 سنة وقربت على 17 فى الطريق بس كان عايش من قرون مضت
5/موقف مش هنساه مش متذكر انما محرج فى ومش هنساه برضو بس مع بنت وانا بصراحة محرج اتكلم ولو عاوزين أقولكم اوكى
6/ بصارح انا كنت بحب المنتدى بتاعى قبل ما اشارك فى ده بس والله وبدون مجاملة بحب اكتر منتدى فى الوقت الحالى ده لأنى بشارك معكم وفى تشجيع وكمان منتدى هادف بس أكتر موقع حبيتوا بجد والله رنات لانوا غير مسار حياتى تمام وعرفنى عليكم كمان بس زهقان منوا خالص دلوقتى بس لازم أول ما أفتح النت أفتح رنات
7/ انا مجربتش الصداقة اليتقال عليها صداقة ولا الطفولة حاسس أنى مكنتش طفل من يوم ما بدات حياتى فعليا وكل حاجة بعملها بحس انى كبير مش طفل انما أصحاب فى اصحاب كتير مقربين لى وبحبهم خالص
8/ الخيانة من أبشع الأشياء الموجود فى الحياة
9/ انى أشوف السلام فى الدنيا واشوف العرب ايد واحدة والمسلمين والله هو ده اكتر حلم ومن الأشياء البفكر فيها دايما قبل ما انام والله نفسى انام وأصحى ألاقى العرب ايد واحدة
وفى حلم عارف أنكم هتضحكوا عليه بس ارجوكم بلاش تريقة حلم نفسى أحققوا دلوقتى فى الزمن ده
أنى اكون رئيس جمهورية مصر العربية بلاش تريقة وضحك عارف كل واحد فيكم بيضحك فى بالوا بس والل ده حلم من أحلامى والنفسى أحققو

10/ بلد نفسى ازورها فلسطين والقدس وأصلى فى المسجد الأقصى واستشهد فيها
11/ انى أنشر التسامح بين بين الطوائف وأخلى نهج اهل السنة والجماعة لجميع المسلمين
12/ راضى عن نفسى ليس تماما مش راضى عن نفسى اوى
13/ هوايتى العب كورة القدم.. واقرأ بحب القراة أوى
14/ هى مهمة للبنات وللاولاد بس مش الرياضة الماشية اليويمن دول قدام كل البشر واللبس بتاع البنات استغفر الله العظيم مثلا السباحة للبنات يكون فى قسم خاص للنساء ولا يسمح لاى رجل بالدخول مثل نظام السعودية مستحيل تلاقى رجل أو ولد فى أى شئ خاص بالنساء الرياضة مهمة للجسم وتحافظ على الرشاقة وكمان تحافظ على شكل الفتاة
15/ هو حديث مش متذكروا أوى بس هجبلكم المتذكروا
قوله صلى الله عليه وسلم(( أعلم أن ما اصابك لم يكن ليخطئك وما أخطئك لم يكن ليصبك)) أنا بصراحة مش متذكر الرواى بس انا فاكر أنى أخذته فى المدرسة
16/بيت شعر مش متذكر أول ما أتذكر هقولوا


أعذرونى لانى أكثرت الكلام عليكم

أيه ده ةبراحة على شوية انا لسة مختش نفسى من الرد الاول بس أنا أدبست خلاص لازم أجاوب

اغلى أمنية نفسى احققه.. هو فى كذا أمينة والله نفسى احققه أنى أزرو المسجد الأقصى وأكون ضمن من يحررون فلسطين والمسجد الأقصى وأنى أكون رئيس لمصر وبلاش تريقة وضحك اوكى عارف أنكم بتضحكوا من جواكم دلوقتى


موقف مضحك لسة متذكروا دلوقتى وانا ثانى إعدادى كنت عاوز أعمل مقلب فى ابن عمى الصغير كان لسة طفل وانا بعمل المقلب علمتوا فى عمى نفسوا وده عمرى ما هنساه فى حياتى حسيت أنى اهبل ساعة الموقف ده


موقف محرج ف هما موقفين وكانوا مع بنتيت واحد وأنا فى سادس أبتدائى والتانى وانا فى ثالث إعدادى يوم العيد فى السعودية فى حديقة انا مش قادر أقولوا بس لو عاوزين تعرفوا أوكى
ردوا على وقولولى



الصداقة بجد مجربتها بس أصحابى كتير وبحبهم وهما والله الأثروا فى لما كنت مسافر مكنتش عاوز أسافر عشان أكون معاهم ومسبهمش


الحب شئ جميل وخاصة أن كان حب فى الله أعلى مراتب الحب
بحب ربنا طبعا ثم الرسول عليه الصلاة والسلام ثم الاهل ... فى كذا حاجة بحبها
الحب مسؤولية

الحزن عادى بالنسبة لى لانى بجد حزنت كتير وبقة حاجة عادية بالنسبة لى وبدعى ربنا أنكم متحزنوش أبدا أن شاء الله

الخيانة أصعب حاجة ومش قادر أتخيلها انا كل حاجة فى الدنيا بتخيلها الخيانة مش قادر وهى من أبشع الأشياء فى الدنيا

الأنترنت الاول كنت بكرهوا خالص وكنت اتعقد من الشخص البشوفوا قاعد على النت
لحد ما جيت السعودية وبابا ركب النت عندنا وأخويا كان مسافر فقلت أجرب بدأت باة واشوف أصحابى هنا وبدات أحبوا لحد ما ادمنتوا

اوعى تفتكر انك خلصت لسة فى بكرة بعد كدة تشوف حتدى مين الميك بعدك

اوكى
انا مستعد لاى حاجة كلنا ليها

بس ممكن تقوليلى مين الأخدوا الميك عشان اشوف المتكلموش واختار بكرة

الاخت امة الله والاخت زهرة المدائن والاخ انسان بسيط وحضرتك بس

اليوم التانى عدى
وأسمحيلى أختى بالله ((سارة محمد ))
أنى أدبسك هذه المرة ويكون الدور عليكى

وربنا معاكى ويوفقك