عاوز تختم القران كام مره فى رمضان

السلام عليكم ورحمه الله وبركاته

ياشباب انا هكلمك بس لانها خاطره حبيت اقولهالك هو كل واحد مننا ناوى يختم القران كام مره

فى مننا هيقول كام مره ايه هو كل يوم جزء يبقى تلاتين جزء يبقى هنختم مره

ويفرح بكده اقصى حلمه انه يختم مره وبتكون صعبه جدا ياترى هجيب وقت منين ليها يااااااااااااه للدرجه دى؟

انتم عارفين ان الجزء يباخد تقريبا ساعه الا ربع او ساعه الا تلت قراءه منعرفشى نخليهم ساعه ونص ونختم مرتين؟


طب اقولكم عارفين لو كل واحد قرء بعد كل صلاه 10 صفحات بس تقدر تقرى كده 50 صفحه فى اليوم والمصحف عبار عن 604 صفحه يعنى فى خلال 12 يوم تقدر تختم يعنى ممكن فى رمضان تختم تلات مرات

ياجماعه والله الامر اسهل مما تتخيلوا وانت بس خلى عندك عزيمه وحدد هدفك كام ختمه وربنا هيساعدك استحاله انك تنوى انك تقرب لربنا وربنا يسيبك هيقربلك

سيدنا عثمان كان يقيم الليل بالقران كامل ازاااااااااااى بقى؟
فكرت فيها كتير لقيت ان ربنا يبارك فى الوقت لمن يشاء وييسر له الخير اذا صدق النيه

فجددوا نواياكم واعقدوا العزم انك تختم كتير وياريت كل واحد بس يقولنا مستهدفه ناوى يختم كام مره وندعى كلنا لبعض ان نقدر نحقق اهدافنا فى هذا الشهر الكريم

فرصه بركه رمضان بلاش نضيعها وعاوزين رمضان ده يكون مش عادى

فى ناس بتقراء يوميا خمس اجزاء هل هتقدر تكون منهم

مستنى ردودك وياريت كل واحد يقول هدفه كام ختمه