الميك مع العضو ((( monzer )))

أولا :- أنا بشكر أختى فى الله (أمل الأسلام) على الورطة الكبيرة أللى وقعتنى فيها ولكن أنا تحت أمر أخوتى فى الله فى أى طلب فنحن جميعا أخوة فى الله نعمل معا على الأجتماع على محبة الله ورسولة صلى الله عليه وسلم
ثانيا :- ربنا يستر ويقدرنى على الأجابة على أسئلتكم الطيبة
وربنا يهديكم علية وترأفوا بيه وتسألونى أسئلة سهله حرام عليكم أنا أخوكم برده
بطاقة التعارف هقدمها لحضراتكم فى وقت لاحق فأرجوا أن تغفروا لى وتسامحونى
وآخر دعوانا أن الحمد لله رب العالمين

أنا الحمد لله رجعتلكم تانى وأسف جدا على التأخير
على بركة الله نبدأ :بسم الله توكلت على الله ولا حول ولا قوة ألا بالله العلى العظيم
****************************
الاسم:- مدحت عبد العظيم محمد
السن:- 22سنة
العنوان:- قوص /ش:مسجد البر والتقوى
المؤهل:-حاصل على بكالوريوس خدمة أجتماعية
الوظيفه:-لايوجد

اخى مدحت اهلا بحضرتك معانا
اول سؤال
ايه اكتر حاجة بتحبها فى المنتدى
والعكس
كمان
ايه رأيك فى ادارة المنتدى
هلى هى دكتاتورية
ام لا
السؤال التالت
ايه اكتر مهنة حضرتك نفسك تشتغلها وليه
بس كفاية كده دلوقتى

أختى فى الله ممكن حضرتك تقوليلى (منذر) علشان أنا بحب الأسم ده أوى ودى أسمى الثانى أو أسم الدلع
كل دى أسئلة بالراحة شوية علية هو أنتم ما فيش عندكم رحمة ولا أيه هههههههههه
السؤال الأول:-ايه اكتر حاجة بتحبها فى المنتدى والعكس ؟
-بحب القصص الجميلة التى أأخذ منها العبر والعظة ومن أفضل ما قرأت (شاب تعلق قلبة بالمساجد)
-ما لم أحبه بالمنتدى:- الموضوعات الجانبية التى تتم بين الأعضاء بعضهم البعض وخاصة فى قسم الألعاب والتسالى
السؤال الثانى:-ايه رأيك فى ادارة المنتدى هل هى دكتاتورية
ام لا؟
-أدارة المنتدى تحتاج للكثير من الخبرات لأدارة المنتدى على أكمل وجه وهذا لا ينقص من شأن المنتدى
السؤال الثالث:-ايه اكتر مهنة نفسك تشتغلها وليه ؟
-كان نفسى أبقى مرشد سياحى علشان كنت شديد الأنبهار بالحضارات القديمة وعالم الآثار ومجال السياحة تلك الأسباب كانت سببا رئيسيا فى حبى لمادة الأنجليش

السلام عليكم ورحمة الله وبركاته
أخى العزيز منذر ...بداية أسمح لى أعبر لك عن مدى تقديرى واحترامى لما تقدمه من موضوعات
ثانيا .. أرجو أن تتقبل تهنئتى القلبية على توليكم الإشراف واعتذر عن التأخير لأنى كنت مقيد الحرية إثر وجودى فى سجن المنتدى.
ثالثا ..أسئلتى تنحصر فيما يلى :
- ماهو هدفك من دخول النت ؟
- ما هى خطتك للنهوض بهذا المنتدى ؟
-ماهو أول قرار تتخذه إذا كنت مسئولا عن هذا المنتدى ؟
- هب أنك كنت رئيسا للجمهورية : ماهى خطوات الإصلاح التى تراها كفيلة بالنهوض بهذا البلد؟
مع خالص تمنياتى ودعواتى بدوام التوفيق

بارك الله فيك أخى الحبيب (سبحان الله وبحمده) على تلك الردود الطيبة العطرة الخصبة بالمحبة فى الله وأبتغاء وأرضاء وجه الله عز وجل ، ولا داعى للأعتزار أخى الحبيب فليس بين الأخوة أى نوع كان من الأعتزار أنما بينهم كل حب وود وأخلاص كما هو بيننا الآن
وأطلع الآن على أسئلتكم الطيبة المطروحة وأتمنى من الله عز وجل أن يوفقنى الله فى الأجابة وأن تصل أليكم الأجابة واضحة دون أى تعقيدات أو مشكلات
السؤال الأول:-ماهو هدفك من دخول النت ؟
-أكتساب العديد من الخبرات فى شتى المجالات سواء كانت تلك الخبرات(دينية أو أجتماعية أو سياسية أو رياضية)أو ما شابه ذلك
السؤال الثانى:- ما هى خطتك للنهوض بهذا المنتدى ؟
-أكساب الأعضاء بالمهارات والخبرات عن كيفية التعامل مع المنتدى وامدادهم بالمعلومات اللازمة عن مشروعية التعامل مع المنتدى لكى نحقق الهدف الأسمى للمنتدى ألا وهو الأستفادة من الموضوعات المطروحة بالمنتدى من قبل الأعضاء
السؤال الثالث:-ماهو أول قرار تتخذه إذا كنت مسئولا عن هذا المنتدى ؟
-وجوب أنتقاء الأعضاء للموضوعات الهادفة التى تعود بالنفع عليهم والأبتعاد عن الموضوعات التى لا تعود بالنفع والتى تكون بمثابة الموضوعات الهامشية السطحية
السؤال الرابع:- ماهى خطوات الإصلاح التى تراها كفيلة بالنهوض بهذا البلد؟
-الأصلاح بالنسبة لى فى المقام الأول والأخير هو الأصلاح الدينى وأصلاح أنسنا مع الله عز وجل فلو تحقق الأصلاح الدينى لكل الناس لساد الأمن والرخاء
هذا والله هو المعين والموفق

monzer كتب:أولا :- أنا بشكر أختى فى الله (أمل الأسلام) على الورطة الكبيرة أللى وقعتنى فيها ولكن أنا تحت أمر أخوتى فى الله فى أى طلب فنحن جميعا أخوة فى الله نعمل معا على الأجتماع على محبة الله ورسولة صلى الله عليه وسلم
ثانيا :- ربنا يستر ويقدرنى على الأجابة على أسئلتكم الطيبة
وربنا يهديكم علية وترأفوا بيه وتسألونى أسئلة سهله حرام عليكم أنا أخوكم برده
بطاقة التعارف هقدمها لحضراتكم فى وقت لاحق فأرجوا أن تغفروا لى وتسامحونى
وآخر دعوانا أن الحمد لله رب العالمين

هههههههههه
يا فندم هذا اقل واجب
وسبحان الله حضرتك جلست على الكرسى
وجميع الاعضاء موجودين
يعنى حظك جميييييييييييل
..............................
ندخل فى الجد
ماهى طموحاتك واهدافك فى الحياة
وهل حققت حتى الان جزء منها
ومن هى اكثر شخصيه مؤثر فى حياتك
الموقف المؤثر الذى مر عليك ولم تنساه حتى الان
ما هو الموقف المحرج
ماهو الموقف المضحك
اكثر الاشياء التى تكرها
واكثر ثلاثه تحبهم غير الماما والبابا
واكيد السؤال الذى اسئله لضيوف الكرسى
ماهو شكل مكتبك فى شركتى المستقبليه
عشان اعمل حسابك فى المكاتب
وكده كفايه دلوقتى

كل دى أسئلة يا أخت (أمل الأسلام) أوأختى فى الله سمر على حسب قرائتى ربنا يسمحك الأسئلة دى عايزة يوم كامل علشان أجاوب عليها لكن هعمل أيه الظاهر أن أنا وقعت فى أيد عصابة كبيرة متآمرة علية لكن ههههههههه(فصبر جميل) وليكم يوم يا ظلمة
بسم الله الرحمن الرحيم نبدأ الأجابة على الأأسئلة الكتيرة الجميلة
السؤال ألاول:-ماهى طموحاتك واهدافك فى الحياة؟
- أن ربنا يكرمنى ويحبب فيه خلقه
أهدافى كتيرة أوى والتى منها أن يتم على الله عز وجل أتمام حفظ القرآن الكريم أن شاء الله
السؤال الثانى:-وهل حققت حتى الان جزء منها؟
لا طبعا لسه بدرى أوى أنا لسة فى مستهل الطريق
السؤال الثالث:-ومن هى اكثر شخصيه مؤثر فى حياتك ؟
- حبيب قلبى الشيخ عبد الوهاب طبعا ما أقدرش أوصفلكم مقدار حبى له واليوم اللى بشوفه فيه ببقى طاير من الفرح
السؤال الرابع:-الموقف المؤثر الذى مر عليك ولم تنساه حتى الان؟
-حدث لى من عدة أيام أننى كنت مع أمام المسجد فقال لى أيه رأيك لو تصلى صلاة العشاء النهاردة وأناطبعا قلبى وقف لما قلى الكلام ده المهم وفقنى الله عز وجل وصليت بالناس وكانت أول مرة وما تتصوروش حجم الأنتقادات أللى أستقبلتها وكانت أكثر الأنتقادات التى وجهت لى أننى ما أقلدش الشيخ عبد الوهاب ويكون لية شخصية مستقلة وأكيد أنا أسمع الكلام من الأذن اليمنى وأخرجة من الأذن اليسرى فهذا موقف لن أنساه أبدا
السؤال الخامس:-ما هو الموقف المحرج؟
حدث لى موقف محرج منذ أيام قليلة عندما كنت جالسا مع أمام المسجد الذى يقوم بتحفيظى القرآن وكان فى ذلك اليوم مخصص لتسميع سورة مريم وكنت معتادا يوميا أن أقوم بالتسميع للأمام المسجد دون أن يكون أحدا معنا وفى ذلك اليوم كان التسميع أمام عد من المشايخ وأمام عدد من الناس وأنا من طبيعتى أننى اخجل كثيرا من الناس وطبعا أخظأت كتير فى السورة على الرغم من أننى كنت متيقنا من حفظها جيدا ولكن قدر الله وما شاء فعل وحزن منى أمام المسجد فى ذلك الموقف حزنا شديدا لأننى قد تسببت له فى أحراجا أمام الحشد المتواجد داخل المسجد عند تسميعى لسورة مريم
ولكن الحمد لله رب العالمين على كل شىء
أكمل لكم باقى الأجوبة بعد حين
السؤال السادس:-

الله يسامحك امل الاسلام
اسئلتك كنت لسه هسألها لقيت سيادتك سبقتينى
اسأل اقول ايه .......
حضرتك من قوص محافظه قنا ولا فى قوص تانيه ؟
ايه رأيك فى حال الاسلام والمسلمين؟؟
تقول سامحنى لمين ؟
مين الشخص اللى خسرته وندمت عليه؟
مين اكتر الاعضاء اللى جذبك اليه باسلوبه او مواضيعه ؟
ايه اكتر دعاء بتبتهل به الى الله عز وجل وياريت تدعيلى به ؟

الله أكبر بسم الله ما شاء الله على حضرتك اختى فى الله (أمة الله ) أسئلتك فى منتهى الروعة واسئلة هامة
السؤال ألاول:-حضرتك من قوص محافظه قنا ولا فى قوص تانيه ؟
-طب حضرتك من أى بلد بالتحديد لكى استطيع الأجابة على ذلك السؤال بالأخص
السؤال الثانى:-ايه رأيك فى حال الاسلام والمسلمين؟
متقلب الأحوال تارة فى الصلاح والأستقامة وتارة أخرى فى فساد وطغيان وذلك ما يسمى بالنفاق أعاذنا الله وأياكم منه
السؤال الثالث:-تقول سامحنى لمين ؟
- لوالدتى الله يرحمها ،أقولها سامحينى علشان أنا ما عرفتش قيمتك وغلاوتك عندى ألا بعد فوات الأوان
ربنا يعافيكم فى أعماركم وفى أعمار والديكم أن شاء الله عز وجل
السؤال الرابع:-مين الشخص اللى خسرته وندمت عليه؟
-والدتى الله يرحمها ولازلت أندم على فقدانها دون أن اغتنم كل لحظة كنت أقضيها معها فى الصغر مع العلم أن والدتى توفيت وأنا أبن الثمانية سنوات
السؤال الخامس:-مين اكتر الاعضاء اللى جذبك اليه باسلوبه او مواضيعه ؟
-العضو (lovelymosh) أكثر مما أعجبنى فى ذلك العضو مجهوداته الكبيرة الوافرة بالمنتدى

اخى فى الله منذر
حضرتك لم تكمل الاجابه على اسئلتى
ولازاااااااازم تجاوب احسن كده اغضب
ولن اتراجع عن الاجابه

أنا أسف جدا والله اختى الفاضلة فى الله (أمل الأأسلام)أرجو منكم أن تلتمسوا لى المغفرة والعفو والسماح عن تلك الفعلة المشينة فى حقكم المصون لأننى نظرت ألى سؤال من الأخت (أمة الله) افقد عقلى الصواب والتوازن
أجب على الجزء المتبقى من الأسئلة المطروحة من قبل الأخت الفاضلة (أمل الأسلام)وهى كالتالى:-
السؤال السادس:-ماهو الموقف المضحك؟
-هناك العديد والعديد من المواقف المضحكة ولكن لا أجد ما يلائم ويناسب لكى أقصه عليكم فأرجو منكم ألتماس المعزرة لى
السؤال السابع:-اكثر الاشياء التى تكرهها؟
-أكره التجاهل والنفاق والكذب
السؤال الثامن:-واكثر ثلاثه تحبهم غير الماما والبابا؟
- أخوتى ،أصدقائى،حبيب قلبى الشيخ عبد الوهاب
أتمنى أكون أجبت على أسئلة الأخت (أمل الأسلام) لأن لها الأحقية الكاملة والمروعة فى أن أجيب عن كل ألأسئلة الواردة من جانبها

اخى منذر
سؤالى عن تحديد المحافظه فقد للعلم بالشئ لان كتير من الاعضاء مش يعرفوا اسماء المدن ولكن معرفتهم بتكون للمحافظه
انا قوص اعرفها لان ليا اصحاب منها
وعندى اصحاب من قنا كتييييير
وبجد ناس طيبين جدا ماشاء الله عليهم
انا بقه من المنيا
يعنى جيران وليا الشرف طبعا
كمان سؤالى للشخص اللى خسرته مع احترامى الكامل للوالده رحمها الله واسكنها فسيح جناته
اقصد شخص موجود وخسرته بقصد او غير قصد
ايه بقه السؤال اللى سألته وافقد حضرتك الصواب والتوازن ؟ هههههههه
كمان فى سؤال حضرتك مجوبتش عليه اخر سؤال سألته
يلا اتفضل جاوب

جزاكى الله كل خير أختى فى الله (أمة الله)على حرصكم المنشود على مخاطبتى بتلك التساؤلات الطيبة الرائعة فهذا بفضل متابعتكم الطيبة الفطنة
بسم الله أبدأ الأجابة على التساؤلات المطروحة من قبل الأخت (أمة الله):-
السؤال الأول:-حضرتك من قوص محافظه قنا ولا فى قوص تانيه ؟
-أنا من قوص مدينة داخل محافظة (قنا)يعنى صعيدى أصيل
السؤال الثانى:-مين الشخص اللى خسرته وندمت عليه؟
-فى الحقيقة لا أذكر شيئا عن ذلك الشخص فى تلك الآونة
السؤال الثالث:-ايه اكتر دعاء بتبتهل به الى الله عز وجل وياريت تدعيلى به ؟
-اللهم أنى أعوذب بك من فتنة المحيا والممات وأعوذ بك من فتنة المسيخ الدجال وأعوذ بك من عذاب القبر اللهم هون علينا سكرات الموت
أسأل الله أن يعافيكم والمسلمين جميعا من تلك الأهوال وأن ينجينا من تلك الأحوال سالمين غانمين وأن يرزقنا حسن الخاتمة وألا يأخذنا ألية خزايا ولا مفضوحين
آمين..آمين ..آمين يارب العالمين

كده الصعايده زادوا واحد عايزين نعمل انقلاب صعيدى على مدير ومديره المنتدى ونعمل احتلال صعيدى وعايزين بقه حد يتكلم منهم
الاسئله
ايه الكلمه اللى بتحب تسمعها كل يوم؟
لما تحب تبكى الى من وعلى من تبكى ومن ستختاره ليمسح دموعك ؟
ايه علاقتك بالمقالب ؟احكيلنا عن مقلب اتعمل فيك ؟
ايه البلاد اللى تحب تزورها ؟
ايه حلم حضرتك وانت صغير؟
كفايه اسئله شفت اسئلتى من داخل المنهج
يلا ربنا يوفقك

والله أنتى شكلك هتضيعينا يا (أمة الله) وهيطردونا من المنتدى كله ،على فكرة أنا ممكن أغدر بيكى لو طردونا من المنتدى وأقول أن أنا مش صعيدى وما أعرفش حاجة عن الصعايدة أصلا ههههههههه
بسم الله الرحمن الرحيم :- أبدأ أجاوب على الأسئلة اللى طرحتها أخت مستقصدانى
السؤال الأول:-ايه الكلمه اللى بتحب تسمعها كل يوم؟
-لما حد من أصحابى بينادينى بأسم(عظيمة)كلمة أنا بحبها أوى
السؤال الثانى:-لما تحب تبكى الى من وعلى من تبكى ومن ستختاره ليمسح دموعك ؟
-أبكى ألى الله عز وجل،أبكى على والدتى الله يرحمها،أكيد مفيش غيره حبيب قلبى ونور عينى الشيخ عبد الوهاب ربنا يخليه ليه يارب
السؤال الثالث:-ايه علاقتك بالمقالب ؟احكيلنا عن مقلب اتعمل فيك ؟
-لا أنا ما بحبش المقالب خالص ،الحقيقة مش فاكر مقلب الآن
السؤال الرابع:-ايه البلاد اللى تحب تزورها ؟
السعودية علشان أحج بيت الله الحرام
السؤال الخامس:-ايه حلم حضرتك وانت صغير؟
-أن أبقى أمام مسجد علشان دى كانت أمنية والدتى الله يرحمها
وأن شاء الله على أعتاب أن تتحقق تلك الأمنية بأذن الله عز وجل فى القريب العاجل (أدعوالى)

يااااااااااااااااااااااه دا انا فاتنى كتير هنا اوى
بس كويس ان كنت مع الاخ منذر حبيبى
اخى منذر عاوزك تقولى بقى
ايه افضل كتاب قريته؟
مين احب صوت ليك فى القران تحب تسمع منه؟
ايه الاكله اللى تعرف تطبخها؟
السؤال الاخير
لو امه الله اللى شكلها هتكون زكرى فى الاشراف
فكرت تعمل انقلاب صعايده
هل هتفكر تساعده وتكونوا انتم الاتنين زكرى؟
هههههههههههههههههه
اوعى تفتكره تهديد معاذا الله ده بس ترهيب يعنى
اه
عاوز اقولك
بحبك فى الله

ربنا يخليك يارب يا (عاطف )القلوب عند بعضها وبدون مجاملة علشان ما حدش يقول علية أن أنا منافق ما أنا عارفكم أجاوب على الأسئلة اللى بتتحدف علية من كل مكان فى المنتدى أنتم الظاهر والله أعلم أنكم مستقصدنى ومتفقين علية وعايزين تخلونى عبرة لمن لا يعتبر فى المنتدى
هههه أنا بهزر طبعا وأنا أقدر !!!
نبدأ بالأجابة على الأسئلة المطروحة بسم الله الرحمن الرحيم
السؤال الأول:-ايه افضل كتاب قريته؟
-كتاب(الموت) لأنه يذكرنى بالآخرة وأبكى على حالى كثيراعندما أتناقل صفحاتة (ربنا يرزقنا جميعا أن شاء الله حسن الخاتمة)
السؤال الثانى:-مين احب صوت ليك فى القران تحب تسمع منه؟
-أكيد الشيخ عبد الوهاب حبيب قلبى ،أنا بموت فى التراب أللى بيمشى علية ربنا يخليه لية يارب
السؤال الثالث:-ايه الاكله اللى تعرف تطبخها؟
-أنا الحمد لله بفضل الله عز وجل عندى خبرة فى فن الطهى
وأعرف أطبخ حاجات كتيرة منها (الأرز_المعكرونة...ألخ)
السؤال الرابع:-لو (امه الله )اللى شكلها هتكون زكرى فى الاشراف فكرت تعمل انقلاب صعايده هل هتفكر تساعدها وتكونوا انتم الاتنين زكرى؟
- سؤال جميل ورائع من أخ فاضل
أكيد هبقى فى صف الأخت (أمة الله) علشان الصعايدة دايما أيد واحدة فى كل شىء ،وأياكم وغضب الصعايدة هههه يعنى ممكن المنتدى نفسة يبقى ذكرى (أكيد دا تهديد)
جزاك الله أخى فى الله (أنسان بسيط) وخد بالك من التهديد

ليه سؤال واحد بس
ايه الحاجه اللى نقول انها ممكن تكون اثرت فيك جامد وغيرت من نفسك ؟

ايوه كده رفعت راسى
الصعايده دايما جدعان وبيقفوا مع بعض ايد واحده
اياكم وغضب الصعايده

أكيد طبعا الصغايدة دايما أيد واحدة
والله أنا حاسس نهايتى قريبة وهيطردونى من المنتدى وهتبقى على أيدك يا (أمة الله)هههههه

أأسف على التأخير فى الأجابة على السؤال الوارد من الأخت
(nosha)فأرجوا منكم السماح والعفو
السؤال الأول:-ايه الحاجه اللى نقول انها ممكن تكون اثرت فيك جامد وغيرت من نفسك ؟
السؤال له جوانب كثيرة ومتعددة ولكنى أجب على السؤال من جانبى وأرجوا من الأخت الفاضلة (nosha)أن توضح لى السؤال أن لم أجب على السؤال المطروح من قبلها كما ينبغى
- القرآن الكريم أفادنى كثيرا فى حياتى اليومية وأثر على طبيعتى الأنسانية وأحدث بداخلى نوع من الطمأنينة والتوازن فى شتى المجالات سواء كانت مجالات(أجتماعية أو دينية أو ثقافية...ألخ) وأكسبنى الثقة فى نفسى وفى قدراتى
فهذا بفضل من الله عز وجل وكرمه على عبده الفقير الذليل

ما شاء الله عليك يا اخ منذر
وجزاك الله كل خير وربنا يبارك فيك

لكم منا جزيا الشكر والتقدير

مفيش حد بيسأل غيرى
شوفت الكرم عامله معاك احلى واجب اى خدمه
الاسئله
ماذا تعني لك الكلمات الآتية .... العاطفة .... الرحمة ..... العقلانية .. موضح إجاباتك بمواقف حدثت لك ؟
ايه اكتر سؤال محرج اتسألته فى حياتك ؟
ايه اكتر المنتديات والمواقع اللى مداوم على زيارتها؟
مين اكتر صديق تحكيله عن اسرارك غير طبعا الشيخ عبد الوهاب؟
بقه ورد لمن تهديها؟
باقه شوك لمن تهديها؟
تجربه تتمنى تكرارها؟
ايه الرساله اللى تتمنى توصلك ؟ومن مين؟
ماذا تمثل لك المرأه؟
ايه الصفه اللى عندك وبتعتبرها عيب فيك ؟والعكس ؟
كفايه والباقيه تأتى