الميك مع العضوة (( أمل الاسلام ))

جزاك الله خيرا اخى الفاضل سبحان الله
وارجوا انى اكون خفيه عليكم
وان شاء الله اوفق فى الاجابه على اسئلة حضارتكم

اولا اسئلة اخى سبحان الله
الاسم:سمر احمد
السن :20سنه
المؤهل:طالبه فى كليه تجارة القاهرة
الهوايات:القراءه والكتابه وكل ماهو متعلق بالمعرفه

الهدف من دخول النت عامه:اولا لانى بحب المعرفه جدا
ثانيا لارى مايحدث فى العالم
وايضا لكى افيد واستفيد

أما بالنسبه لهذا المنتدى:فهو أكيد من أجل الدعوه
ولكى تكون حياتى كلها لله
فالهدف بالنسبة لى ليس مجرد وقت فراغ اقضيه على النت وانما لاكسب اكبر قدر ممكن من المعلومات
ومعرفة ما يحدث من جديد وأن يكون سبب لى فى تبليغ (ولو جزء بسيط)من أيه أو حديث

ما هو حلمك العام:بصراحه انا عندى احلام كتييير

اولا انى اتخصص فى مجال ادارة الاعمال
واتعلم اصول الاداره وكيفية تطبيقها
افتح شركه واطبق فيها ما تعلمته
وأشغل فيها جميع الشباب العاطل
واستخدام طاقتهم فى التقدم بالامه
وثالثا تعمير الصحراء ولو جزء صغير منها
وفعلا هذا اكبر حلم بالنسبة لى
ان اشترى قطعت ارض واقوم بزراعتها قمح لاكفى به حاجاتى وحاجات اسرتى
ثم بعد ذلك يكبر المشروع ليغطى جميع المحافاظات
لان مصر غنيه فعلا بثروات كثيره
ولكن تريد من يبحث عنها
وانا اعرف ان هذا كله سيأخذ وقت كبير ولكن لا يهم
حتى وان مت قبل ان يكتمل لكن يكفينى شرفنا
ان اكون قد خططت له واعدد ولكن قضاء الله
وسياتى بعدى من يكمله الى ان يصبح الحلم حقيقه

بالنسبه للحلم الخاص:فعلا وعن صدق أن يرضى الله عنى
ويدخلنى الجنه من باب الريان

سموالاميرة معكى 3 تلكس الى من تبعثين بهم*********ماهو الموقف المحرج الذى لن يمحى من ذاكرتك********* من هى الشخصيات القريبة منك *********معك وردة ووسام وطوبة لمن الاولى ولمن الثانية وحتحدفى مين بالثالثة

سموالاميرة معكى 3 تلكس الى من تبعثين بهم:
.....................................
بالنسبه للاول:احب ارسله للشباب الذى ليس عنده طموح والذى فاقد الامل
واقول لهم أن الله سبحانه وتعالى خلقنا فى هذه الدنيا لنعمرها وننشر فيها الخير والسلام وأن لكل خطوه تخطوها له فيها حكمه ولا تقول انى عاطل ولم أجد عمل والبلد لاتقدرنى انا ليس لى قيمه فى الحياة
لا تقل هذا ان الله سبحانه وتعالى كرم بنى ادم وخلق لكل انسان نقطة نجاح ولكن تريد من يبحث عنها
ولا يستسلم لليأس والاحباط ولكن يحتاج الى صبر وعزيمه ويحاول الى أن يجدها
وبالنسبه للثانى:
ارسله الى وزارة التربيه والتعليم واقول لهم اهتموا باطفالنا فأنهم جيل المستقبل ومتى ستطبقوا الذى تقولوه نريد افعال وليس كلام
أما الثالث:
اممممممممم
ارسله الى اصدقائى فى الجامعه واقول لهم وحشتوووووووونى كتير واشتقت لكم كثيرا

ماهو الموقف المحرج الذى لن يمحى من ذاكراك أبدا
..........................................
ههههههههه
فى كتير جدا ونظرا لانى من النوع الحساس جداااااافاى حاجه ممكن بالنسبه لى محرجه
لكن هذكر حاجه أفتكرتها دلوقت وهى :كنت فى الاسكندريه الصيف الماضى وكنت بتمشى انا واختى شوياو كنا مشين على الرصيف وكان الرصيف فيه زاويه وفيها منطقه منخفضه عن الباقى واختى كانت تسبقنى وانا كنت وراها فحظى انى مشيت على المنطقه المنخفضه وطبعا عرفين الباقى نزلت على جمبى فى الشارع وكل الناس نزلت على روحها من الضحك وانا مش عارفه اعمل ايه واختى مشفتنيش غير بعدين وانا من كثرة الاحراج فضلت فى مكانى لحد ما هى جت وقومتنى
وساعتها رجعت البيت من الشارع التانى عشان محدش يشوفنى
..........................ز
معك وردة ووسام وطوبة لمن الاولى ولمن الثانية وحتحدفى مين بالثالثة
...........................
بالنسبه للورده انا كده هحتاج جنينه لكن مش مشكله انا ههديها لكل اعضاء المنتدى واشكرهم على تفاعلهم الجميل فى المنتدى
وهما بئا يتصرفوا مع بعضهم فى تقسيم الورده

وبالنسبه للوسام: احب اعطيه لاغلى حد عندى وهى امى على تعبها معانا وعلى تعويضها لنا عن الاب
واقول لها معلش على انك عندك بنت زى وستحملينى وأن شاء الله لكى الجنه
...........................
اما بالنسبه للطوبه:
فانا مش من النوع المؤذى
ويوم ما افكر اكون مؤذيه هتكون حضرتك

سمو الاميرة الطوبة جات فى ماغى وعملت لى 3غرز انا اطالب بتعويض اولا شخصية تحبين ان لا تفارقيها وقريبة منكى وتفهمك ثانيا ماذا تفعلين عندما تكونى متضايقة اوتفكرى بتركيز ثالثا مكان تودين الذهاب الية رابعاشخصسة كان لها اكبر الاثر فى تكوين شخصيتك اخيرا ماهى انواع الماكولات التى تجيدين طهيها

اولا نورتنى سيادة قاضى القضاه
ثانيا انا اسفه جدا وهو حدث سوء فهم بالنسبه للطوبه وحاولت اعدل لكن للاسف كلمة تعديل تم الغائها
........................
شخصيه تحبين أن لا تفارقيها وقريبه منكى وتفهمك
ج:هناك اشخاص كثيره أحب أن ألا افارقها
ولكن الشخصيه التى تفهمنى هى شخصيه معنويه
ولاتفارقنى أبدا وهى أجندتى هى الوحيده التى تظل بجانبى دائما

س:ماذا تفعلين عندما تكونى متضايقه او بتفكرى بتركيز
ج:أولا لازم أصلى ركعتين قبل أى شىء فى تلك الحالتين
وثانيا وبدون سخريه لااااااااااازم انام
وسبحان الله النوم له مفعول السحر معى
فعندما اكون متضايقه أذهب للنوم وبعد الاستيقاظ
أنظر للامور بطريقه اخرى منطقيه وحياديه
وهذا كله بخلاف قبل النوم
اما فى التفكير فبعد الاستيقاظ أضع القلم فى فمى
وابحث عن طريقه لحل المشكله او اى مسائل أخرى واجيب الغرفه ذهابا وايابا
يعنى طريقه غريبه شويا

س:مكان تودين الذهاب اليه
ج:هناك اماكن كثيره أريد الذهاب اليها
لكن اهم مكانيين المدينه المنوره والقدس

س:شخصيه كان لها اكبر الاثر فى تكوين شخصيتك
ٍج:ليس هناك شخصيه بعينها
فكل شخص قابلته وتعاملت معه له أثر فى تكوين شخصيتى
بداية من البيت والدى رحمه الله بزرع الحب والخير داخلى
ووالدتى بغرس القيم والاخلاق وتعليم الدين
ثم معلمينى من تشجعيهم لى على التواصل
وكل من قرءت عنهم وتعلمت منهم
ودرست شخصياتهم وسير نجاحهم
وكل أصدقائى الذين عرفتهم واخواتى فى الجامعه
لهم اثر كبير على ثباتى
وفوقهم وبل قبلهم سيد الخلق سيدنا محمد صلى الله عليه وسلم

ج:اخيرا ماهى انواع الماكولات التى تجيدين طهيها

س:لا مش عشان انا اميره يبقى معرفش اطبخ
لكن بصراحه انا لست ماهره فى الطبيخ يعنى على ادى
لكنى المسؤله فى بيتنا عن المطبخ
وبعرف اطبخ جميع انواع المحاشى
والمكرونه بالباشمل والرز وملوخيه
وحاجات تانى كتير

...................................
يارب انى اكون قدرت أعوض حضرتك على الغرز

وقعتى ياجميل

مش عارفه صراحه اسألك ايه قوليلى اسألك ايه وانا اسالك على طول ههههههههه

ايه اكتر حاجه بتخافى منها وايه اكتر موقف خفتى فيه ومين الشخص اللى بتحبيه غير بابا وماما ممكن يكونوا اتنين او تلاته ومين المدرس اللى كرهتييه وايه الموقف بتاعه وايه نوعيه الكتب اللى بتحبى تقريها تقولى ايه لوالدك ودمعه الراجل معناها ايه عندك وامتى المرأه تكون دمعتها صادقه وهتشغلينى ايه فى شركتك المستقبليه ان شاء الله

كفايه كده

مين الشخص اللى خسرتيه وندمتى عليه ونفسك ترجعوا تانى

اسئلة جميلة
يـــــــــــــــــــــــــــلااا
عيزين اجابات نموذجية وخصوصا
السؤال بتاع المدرس

اهلا باميرتى أمة الله
نورتينى يا اميرتى
ولماذا كل هذه الغيبه الطويله
................................
نبدء الاسئله
ج :ايه اكتر حاجه بتخافى منها؟
بصراحه انا مش من النوع اللى بيحب الخوف
لكن بخاف واكتر حاجه بتخوفنى ان حد يزعل منى
وبالاخص أمى
ج:وايه اكتر موقف خفتى فيه ؟
س:للاسف كل المواقف بخاف منها
لانى من النوع الخجول جدا وبالتالى حتى السؤال مش بحب اسئله خوفا من الاحراج
وبالنسبه للموقف فانا هكتبه مع السؤال الخاص بالمدرس

ج:ومين الشخص اللى بتحبيه غير بابا وماما ممكن يكونوا اتنين او تلاته ؟
س: امممممممم انا بحب ناس كتيره اوى
لكن هذكر ثلاثه منهم على سبيل المثال
نور
شيماء
ومين رقم ثلاثه
واحده كده اسمها صفاء

ج: ومين المدرس اللى كرهتييه وايه الموقف بتاعه ؟؟؟؟؟؟؟؟؟؟
بالنسبه للسؤال ده انا عرفه مين اللى وراه؟؟؟؟؟؟؟؟؟
لكن هجاوب
س:كنت فى سنه تالته ابتدائى وكان عندى مدرس اسمه مستر:محمد وكان لازم الكل ياخذ عنده درس خصوصى
وانا كنت باخد مجموعه بس فى المدرسه لان كان فى مدرسين تانى باخد عندهم درس خاص وكانو قريبى او معرفه وهو كان مش بيحبنى بسبب كده
وفى يوم وانا بلعب فى الشارع بعد ما انتهيت من المذاكره وكنت فى الفتره المسائيه فكنت بلعب قبل ماروح المدرس
وهو كان ساكن عندنا فحظى الجميل وانا بلعب لقيته هو والاولاد بتوع الدرس عدوا من جمبى وانا مسكه الكوره فانا من الصدمه معرفتش اجرى او اتحرك من مكانى فضلت مسكه الكوره وسكته وهو راح نظر ليا نظره
وبعد ماروحت المدرس عمل معايا موقف نده على وقال فين سمر انا سمعت اسمى اتفزعت فقال تعالى وقال امام الفصل (بئا انتى تشوفينى فى الشارع متجريش وتستخبى وتكملى لعب)هو كان فاكر انى جريئه ومش بخاف منه عشان كده مجرتش لكنه معرفش الحقيقه انى من كتر الخوف اتثبت فى مكانى
وضربنى اربعة عصى على ايدى
وكل هذا بسبب انى لم اخذ عنده درس خصوصى
هههههههههه
وبعدها بفتره كنت نزله من عند صحبتى من وشفته جاى من أول الشارع فروحت لفيت بظهرى ورجعت عند صحبتى تانى لحد ما هو مشى
وللاسف كل ما اشوفه افتكر اللى عمله معايا ولكن الحمد لله تركنا المنطقه التى كان يسكن بها
وبعد ماتركت الدراسه عنده كل ما اشوفه ماشى فى الشارع افضل العب حوليه واعرفه انى بلعب لانى كنت عنيده جدا
( ربنا يسمحك يا امة الله خلتينى افتكر عقده حياتى)

ج:وايه نوعيه الكتب اللى بتحبى تقريها ؟

س:انا مش بفضل نوعيه معينه لكن اى كتب فيها معلومه بحب اقرئها زى كتب التاريخ والعلوم والسيره والكتب السياسيه
لكن اكثر شى بستمتع وانا بقرئه قصص رجل المستحيل لدكتور نبيل فاروق او اى كتب بوليسيه
نظرا لان من احلام الطفوله انى التحق بكلية الشرطه او المخابرات المصريه

ج: تقولى ايه لوالدك ؟
س: بصراحه لا اعرف
لكن اقول انه وحشنى جدا وكان نفسى اعبر ليك عن حبى لكنى مش لحقت
وانا حاولت اتفوق وادخل الجامعه من أجل ان احقق امنيتك وكان نفسى ادخل الطب تحقيق لامنيتك لكن مش مشكله طب وتجاره واحد

ج:ودمعه الراجل معناها ايه عندك ؟
س:هذا يتوقف على نوع البكاء
اذا كان البكاء خشيه من الله وطلب المغفره فهذا شىء طبيعى
لكن اذا كان البكاء من اجل شىء اخر مثل البكاء على الدنيا او المراه فمعناه الضعف ولا افضلها فى الرجل

ج:وامتى المرأه تكون دمعتها صادقه؟
س:بصراحه مش عارفه
لان من كثرة بكائها سواء فرح او حزن
الواحد مش عارف يفرق بينهم

ج:وهتشغلينى ايه فى شركتك المستقبليه ان شاء الله ؟
س:تفتكرى بعد الاسئله دى ممكن اشغلك عندى
هههههههههه
بما انك خريجه هندسه فانا هخليكى تمسكى تصاميم الشركه وفيما بعد المصانع
.................................
كفايه كده يا سمو الاميره

ايه ده هو فى سؤال تانى
ايه يا اميرتى فى حد مسلطك على النهارده

ج:مين الشخص اللى خسرتيه وندمتى عليه ونفسك ترجعوا تانى؟
س:الحمد لله مفيش حد خسرته
لانى مش بحب ازعل حد
لكن احتمال كبير اخسر حد وهى عرفه نفسها
وليكى يوم يا عاشقة الاقصى

اختى امل الاسلام من الواضح ان اعضاء المنتدى قرروا يرحموكى من الاسئله علشان تاخدى نفسك شويه
يلا ياجميل اختارى عضو جديد

أمة الله كتب:اختى امل الاسلام من الواضح ان اعضاء المنتدى قرروا يرحموكى من الاسئله علشان تاخدى نفسك شويه
يلا ياجميل اختارى عضو جديد

الحمد لله على انهم رحمونى
ولكن اعتقد ان اسئلتك تكفى
ربنا يخليهم لى يارب
وانا عوزه ارشح عضو جديد عشان كرسى الاعتراف
وانا ارشح
وهو
.
.
.
.




خى الفاضل منذر
فهيا الى الكرسى
............................
واكيد اول سؤال بطاقة تعارف
الاسم
السن
العنوان
المؤهل
الوظيفه
والبقية تاتى ولكن بعد الفاصل