الميك مع العضوة ((( أمة الله )))

زهرة المدائن كتب:

نورتى المايك بيدك اختى امة الله

ربنا يكرمك ياحبيبتى ده نورك

السلام عليكم ورحمه الله وبركاته

1- الاسم ؟
صفا

2- الوظيفه ؟
لسه نصيبى مجاش بالنسبه للشغل بس بحمد ربنا انه لسه لانى نفسى امشى شويه ف حفظ القرأن قبل الشغل

3- مكان الميلاد ؟
انا من المنيا

4- العمر ؟
22

5- اذكري لي موقف مش هتنسيه طول حياتك + موقف محرج
انا مواقفى كتيره شويتين بس اللى مش هنساه طول حياتى ليله امتحان العربى ثانويه عامه كان عندنا حصه مراجعه عند مدرس هو جارنا فسألته سؤال مكنتش عارفه اجابته فقالى انتى بتجيبى الاسئله دى من فين ده سؤال استحاله يجى ف الامتحان ودخلت الامتحان تانى يوم لاقيت السؤال بالنص رجعت من الامتحان اتخنقت معاه
موقف محرج علاقتى بدكتور مشروع التخرج بتاعى كان بيحبنى بشكل غريب مع انه كان مسيحى وكان معانا ناس مسيحين ف المشروع بس كان بيحب التعامل معايا اوى لدرجه انى كنت تعبانه مره فلغى الشغل ف اليوم ده عشانى لدرجه ان زمايلى ف المشروع كانوا بينداهونى بالدكتوره بس ده كان بيحرجنى اوى لانه كان دايما يشكر فيا قدام باقى الدكاتره وقدام طلبه من اقسام تانيه لدرجه الناس كانوا بيجوا يسألوا عليا عايزين يشوفوا البنت اللى الدكتور بيشكر فيها مع انى والله كنت بتعامل معاه زى اى دكتور عادى ومكنتش شاطره للدرجه

6- اذكري لي منتدى تحبيه اكثر وليه ؟
فى اكتر من موقع بحبه بس للاسف مش بتابع باستمرار بس اللى بحبه منتدى حياتى كلها لله بحسه قريب منى اوى وبقى خلاص حد من اهلى وفى منتدى مصطفى حسنى وفى موقع رسول الله عليه الصلاه والسلام وفى موقع الاعجاز العلمى ف القرأن والسنه وموقع الطريق الى الجنه يعنى فى حاجات كتيره

7- صديقة الطفولة ؟
هما اتنين هاله واسماء كنا مع بعض من اولى ابتدائى لغايه ثانويه عامه بس انا شردت منهم للقسم العلمى وهما كانوا ادبى بس لسه علاقيتنا ببعض قائمه لغايه دلوقتى واحنا فى فصل واحد فى القرأن الحمد لله

8- ما رايك بالخيانة ؟
اصعب حاجه ف الدنيا لما تكونى بتثقى ف حد وهو عندك حاجه كبيره وفجأه يضربك من ضهرك حاجه وحشه اوى انا اتعرضت لموقف فيه خيانه من واحده كانت المفروض صاحبتى فجأه لاقيت كلام وحش كتير عليا من اكتر من حد سألت عرفت انه هى بس والله بجد مهتمتش ولا حتى عاتبتها وقلت ربنا هيرد عليها اكيد فى يوم من الايام وكبرت دماغى يعنى

9- حلم حياتك ؟
حلمى من زمان خالص انى اتمم حفظ القرأن الكريم والتفسير والعمل بيه واعلمه لاولادى بعد كده

10 - بلاد تتمني ان تزوريها ؟
نفسى اوى قبل ما اموت اعمل عمره او حج ونفسى كمان اصلى ف المسجد الاقصى واشوف صخره المعراج واتمنى ازور كل البلاد اللى زاروها او عاشوا فيها الانبياء فى برنامج حلو اوى بيجيب الاماكن دى وبيشرح قصص الانبياء

11 -ايه اللى نفسك تعمليه لدينك لكن مش عارفه تعمليه او مش لاقيه الفرصه
اللى تساعدك على هذا؟
نفسى حد غير مسلم يدخل الاسلام طبعا اولا لحبه ف الاسلام واكون اول شخص حب الاسلام من خلاله

12-هل انتي راضيه عن نفسك ؟
خالص عمرى ما رضيت عن نفسى فى لحظه من اللحظات دايما حاسه نفسى مقصره وفى كل حاجه ودى فعلا الحقيقه

13-ما هي هواياتك اكيد غير الانترنت ؟
الانترنت مش هوايتى اصلا كانت كل علاقتى بالانترنت الابحاث بس ايام الكليه دلوقتى لما اكون فاضيه بتصفح النت انا كنت بحب القراءه ومازلت بس مش زى الاول وبحب كمان الاعمال اليدويه

14-هل تعتقدين ان ممارسة الرياضة مهمة للبنات ؟
لماذا ؟
اكيد طبعا لانى انا مقتنعه تماما ان البنت لازم يكون شكلها حلو وتكون منسقه ف حياتها ويكون لبسها نضيف ومنسق وتكون محتشمه ولبسها واسع وتكون مرتبه وده بيجى ف الاول من الجمال الداخلى اللى بدوره بيطلع للخارجى فبيخلى البنت ف منتهى الجمال والروعه وتكون خير رسول للدعوه للاسلام لازم كل اللى يشوفها يقول ماشاءالله شوفوا الاسلام شوفوا الحجاب شوفوا فعلا هى دى البنت المسلمه بجد والرياضه كمان بتساعد على كده اوى بس نعمل رياضه ف البيت بلاش موضوع النوادى ده والاختلاط اللى مالوش لازمه

15-اذكري حديثا للنبي عليه الصلاة و السلام تحبيه و تعملين به؟
حديث انما الاعمال بالنيات لان فى حاجات بعملها فى ناس مش بيكونوا راضين عنها بس بتكون نيتى حاجه تانيه ولما بشرحلهم ليه بعمل كده بيشجعونى عليها

16-اذكري بيتا من الشعر تحسبينه يلخص حكمة ما ؟
هو مش بيت شعر
قال ابى الدرداء
احب الفقر تواضعا لربى واحب الموت اشتياقا لربى واحب المرض تكفيرا للخطايا
وقول عمر ابن الخطاب رضى الله عنه
اللهم لا صبر لنا على ما زينت لنا الا بك

ربنا يكرمك يااختى ع الاسئله
ومعلش ياجماعه كترت عليكوا وصدعتكوا معايا
انا اسفه بجد للاطاله

the moon light كتب:انتى شخصيه جميله اوى

ربنا يثبتك يارب

ويجازيكى خير

ويارب تحققى كل اهدافك وتزورى كل الاماكن دى

عاشق الأقصى كتب:موضوع جميل
بس مش كان يبقى اسموا كرسى الاعتراف أحسن
ولا الاسم الاخترتوه ميد قدك الميك فى أيدك ليه سبب ؟؟؟؟؟!

سارة محمد كتب:كفاية كدا دلوقتى امة الله وجة دورى هههههههههههه مش معاكى الميك يبقا تستحملى بقة وياريت تختارى العضوة الى وراكى بعد اجابتك
يلا انا حرحمك ومش حقولك حاجة اهوة يلا ربنا يباركلك يارب