أحترام المواعيد وتقدير الغير ( الموعود )- - - - - - - - > تدل على شخصية صاحبها ( الواعد ) يا ترى انت كده ولا لأ !!!!!!!!! ؟؟؟؟؟

حياه بلا ذنوب كتب:

اولا موضوع جميل جدا الواحد كتير بيدى معاد والتانى مش ييجى او العكس انا اخد معاد مع حد ومش اروح
فى الحالتين بتكون ظروف عنده او عندى بس فى الاخر اى حد مننا لازم يعتذر
اما ثانيا بئا بالنسبه لاسئلة حضرتك انا ها اجاوب عليهم ومن وجهة نظرى

*** ما مدى إلتزامكم بها؟؟؟؟
- بصراحه باحاول على اد ما اقدر انى التزم باى معاد باخده ولو لائيت نفسى مش ها اقدر او المعاد مش ها ينفع انه يكون مناسب ليا باعتذر وقبلها ولو روحت مش اتأخر
بس فى ناس على طول متعودين انهم يتأخرو دى طبيعه فيهم ليا صحبتى طبيعتها كده اديها المعاد وانا عارفه انها ها تيجى بعده بساعه يعنى اقولها مثلا معادنا تلاته وانا عارفه انها ها تيجى اربعه فبرتب نفسى على انه اربعه بينى وبين نفسى

***وماهي وجهة نظركم إزاء من يلتزم ومن لا يلتزم بالمواعيد؟؟؟؟
- اللى بيلتزم بالمواعيد دا من وجهة نظرى انه انسان مقدر لغيره وانه كمان ملتزم فى كل شىء فى حياته زى ما بيلتزم بمواعيده
واللى مش بيلتزم اكيد بيكون عكس اللى ذكرته دا كله تماما

*** هل التحجج بالظروف بشكل دائم يجعلنا نحترمهم أم العكس؟؟؟
- التحجج بالظروف وكده اه ممكن مره اصدقه اتنين التالته اعديها بعد كده لازم يكون فى استوب بئا لاء كده زياده عن اللزوم وبلاش حجج وكده فموضوع الحجج دى بيخلى الشخص دا ينزل من نظرى اكتر يعنى عندى انه يعتذر افضل من كده بكتير

*** فى النهايه كما ذكرت اخى اننا احنا اللى بنجعل الاخرين يسخرو منا وسلوكياتنا اللى بايدنا اننا من خلالها نكون ارقى الشعوب

أمة الله كتب:

ماشاء الله موضوع جميل جداااااااا
وقضيه انا شخصيا بعانى منها من زمان اوى من اصحابى

لو رديت على اسئلتك

*** ما مدى إلتزامكم بها؟؟؟؟
الحمد لله بحاول اكون موجوده قبل الميعاد كمان
وبتنرفز جدااااا لما حد يأخر عليا وللاسف بتكون الاسباب تافهه جدا
المفروض
انا لو مش هقدر اروح اعتزر قبل الميعاد بفتره كافيه مش اسيب الناس كده تظبط حالها وتنتظرنى
واللى يعصبك اكتر مقوله هى يعنى ربع ولا نص ساعه هتفرق معاك فى ايه


***وماهي وجهة نظركم إزاء من يلتزم ومن لا يلتزم بالمواعيد؟؟؟؟
الشخص الملتزم بمواعيده دا فعلا شخص محترم وبيحترم نفسه قبل احترامه للاخرين
وديما ملتزم فى كل حياته ومحبوب من كل الناس الصغير والكبير
وطبعا الغير ملتزم اكيد العكس تمااااما

*** هل التحجج بالظروف بشكل دائم يجعلنا نحترمهم أم العكس؟؟؟
ممكن اول مرة اه تانى مره ماشى
لكن خلاص بئه مش كل مره هعديها
مدام مش جيت فى ميعادك سورى متنتظرش منى احترمك
احترمك ازاى وانت اصلا مش محترمنى ولا محترم ميعادى

بالنسبه للعالم العربى
no comment
غير ربنا يصلح حال الامة العربيه والاسلامية

وعجلت اليك ربى لترضى كتب:


سأطرح على حضرتكم سؤال واحد فقط وبعد إجابتكم أو من خلالها سيكون لنا نقاش جاد

المواعيد........

ما مدى إلتزامكم بها؟؟؟؟

وماهي وجهة نظركم إزاء من يلتزم ومن لا يلتزم بالمواعيد؟؟؟؟





نعم الوعد قد يصل لدرجة الإلزام بالوفاء به, كما هو العهد ,,,

لكن التسيب عند الكثيرين هو ما اريد معرفة أسبابه

هل التحجج بالظروف بشكل دائم يجعلنا نحترمهم أم العكس؟؟؟

هل لديهم توقيت خاص بحضرتهم ونحن أناس خارج التوقيت لذا نتمكن من ضبط مواعيدنا؟؟؟؟




وبالفعل أنا مليت من كثرة عدم التزام الآخرين بمواعيدهم ,,

هذا فضلا عن أن الدول المتقدمة كان الالتزام بمواعيدها من أهم أسباب ذاك التقدم ولتعلم أخي برق وكل من يقرؤنا هنا بأن الشعوب او الدول الآخرى بدأت تعيب علينا هذا

فكما هو معرف لدينا بأن الوعد الأمريكي هو الوعد المثالي
كذا نحن من وجهة نظرهم ولكن بالعكس المؤسف


فهل تعلموا أن ؟؟ :


فى عهد الملعون بوش تقريبا كان الأمير عبد الله على موعد مع الرئيس بوش بمزرعته بمدينة دلاس

وكان البث المباشر على أحد القنوات الامريكية

وكانت المذيعه اللى بتتذيع البث المباشر أن الرئيس الامريكي طبعا حضر بوقته وبالطبع الامير السعودي حضر بعد نصف ساعة من التاخير وتضحك بسخرية وتقول ربما مر على محطة البنزين ........وخلافه




أرأيتم أصبحنا سخرية للآخرين أصبحوا لايحترمون حتى ملوكنا وأمرانا

كل شخص يرى بأن التأخير هو أمر عادي ولا يحتمل كل هذه الضجة ولكن أنا اره عيب فى وجه نظرى , لأن اللى بيعمل معايا كده بقرف أبص فى وشه وبستخسر فيه السلام وبسميه مستهتر ,,
ومايستحقش انى اكلمه اصلا ,, بس مش معنى كلامى ان كل من تخلف فى الميعاد المحدد اطلق عليه مستهتر !!!!

لأ طبعا انا أقصد فى كلامى اللى يتخلف دون عزر واللى مش يقدر اللى واعده ولو بتليفون حتى ده اسميه مستهتر ومش أد كلمته

وعجلت اليك ربى لترضى كتب:جزاكى الله خيرا اختى فى الله على اضافاتك المهمة ديه


ويجعله الله فى ميزان حسناتك