اخر اخبار مبارة مصر

السلام عليكم ورحمة الله وبركاته

أهل مصر


ها إيه أخر أخبار الماتش معاكوا تعالوا نشوف مصري ومصراوي ايه أخبار الماتش معاهم .. وبعدين نكمل كلامنا .. محدش يمشى


مصري : السلام عليكم .. ازيك يا مصراوي عامل ايه ؟؟




مصراوي : الحمد لله .. أخبارك ؟



مصري : زي الجمهورية ......



مصراوي : أقعد .. عطلنى بهزارك ده خلينى ما ألحقش أروح



مصري : بالراحة علينا شوية.. تروح فين بس ؟



مصراوي : أروح أجيب تذكرة المطش ... يسسسسسس هنقطعهم يا مصررررررررررري



مصري : هنقطع مين يا عم انت عايش الدور ليه كده ؟



مصراوي : الوقتي تشوف إما قطعناهم



مصري : يا بنى وطي صوتك بلاش فضايح



مصراوي : فضايح ليه .. أنا بقول إيه ؟



مصري : يعني لو حد سمعك وإنت بتقول هقطع أخويا محمد مش تبقى فضايح ؟



مصراوي : بعد الشر وأنا أقول كده ليه !!



مصري : أديك إنت اللي قولت أهو مش الجزائري المسلم ده يبقى أخوك ؟



مصراوي : قصدك إيه بقى ؟



مصري : قصدي نتناقش مع بعض شوية .. دلوقتي إحنا مكبرين الموضوع كده ليه ؟
ايه لازمة ده كله ،، المباراة الفاصلة وعزة مصر ومش عارف ايه .. إيه اللي دخل ده كله فى عِزة مصر يعنى؟



مصراوي : مهو إحنا لو خسرنا المطش ده مش هندخل كأس العالم .. إن شاء الله



مصري : وإيه المشكلة برده إننا ما ندخلش كأس العالم .. مش قضية يعني



مصراوي : مش قضية إزاى !!! ده أنا أعمل حداد لو مدخلناش



مصرى : يا بنى حداد إيه بس هو احنا كنا عملنا حداد لما الرسول ( صلى الله عليه وسلم ) رُسمت فى حقه الرسوم المسيئة ..؟؟؟
ولا كنا عملنا حداد لما أطفال غزة ماتوا .. ؟؟؟
ولا كنا عملنا حداد لما العراق أُحتل .. ؟؟؟
ولا كنا عملنا حداد لما الصينين دبحوا في إخواتنا المسلمين فى كردستان ..؟؟؟
ولا .. ولا



مصراوي : ايه الكلام الكبير أوي ده



نكمل بقى كلامنا


السلام عليكم و رحمة الله و بركاته



الحمد لله و الصلاة و السلام على رسول الله صلى الله عليه وسلم و بعد :




إلى كل جماهير المنتخبين المصري و الجزائري تعليمات مهمة قبل المباراة




يا ريت حضراتكم تركزوا معانا كويس جدا في الكلام التالي :




بس لازم قبل التعليمات وصف سريع للوضع الحالي للجماهير و هو كالتالي :




كراهية و عداء شديد بين جماهير المنتخبين


كل متعصب من مشجعي فريق يسبون و يلعنون الفريق الآخر و يتمنون لو أن الأرض انشقت و بلعتهم
وصلت الأحداث إلى حد شتم الجماهير للجماهير الأخرى ب : يا أولاد كذا
ترقب للمباراة المصيرية التي هي حياة أو موت لكلا الفريقين
كل بلد بتحرق علم البلد التانية
استعداد الجماهير لحرب بعد المباراة


وصلت إلى درجة أن امرأة مصرية متزوجة من جزائري تترك منزله بسبب المباراة



و الكل يريد أن يعرف من الفاااااااااااااااائز ؟




أكيد الفائز معروف طبعا




و كل الأحداث دي بتدل على كدة




الفائز هو طبعا : أعداء الدين " اليهود و غيرهم "




أيوة فعلا محدش فينا هيفوز لكن الفريقين هيخسروا كل حاجة كدة




الكلام مش واضح ؟؟؟؟




نوضح شوية




بس يا ريت محدش يرد على الموضوع إلا لما يقرأه كله و استحملوا شوية




دلوقتي ايه اللي بيجمع بين المصريين و الجزائريين ؟؟؟؟




شعبين مسلمين صح ؟




مين المستفيد من الكراهية بينهم ؟ مين اللي يهمه انه يشغلهم عن دينهم بكل حاجة ؟




أنا مسمعتش إننا كرهنا اليهود كدة و لا شتمناهم علني بالطريقة دي كدة يبقى إزاي نعمل دة مع المسلمين ؟؟؟؟؟




قبل ما نبدأ




فعلا الكسبان الوحيد أعداء الدين لأنه لما بيشغلنا عن ديننا احنا المسلمين




يقدر يعمل اللي هو عاوزه




نبدأ نشرح واحدة واحدة




المصريين و الجزائريين شعبين مسلمين


ليه نشتمهم و يشتمونا و كل اللي بيحصل دة ؟
ليه بنبص للجانب الوحش عندهم و نشتمهم بيه و هما يعملوا كدة كمان ؟؟ مين المستفيد ؟؟


بغض النظر مين اللي بدأ



لازم المسلمين كلهم يتحدوا علشان نقدر نرجع أقوى من الأول و نسترد القدس تاني و نسترد كل حقوقنا


إزاي هنستردها و إحنا بنشتم بعض و متضايقين من بعض و كل بلد نفسها الشعب التاني يموت ؟؟؟؟؟
إزاي ؟؟
إيه الفرق بين المسلم المصري و الجزائري ؟


شوفوا الرسول قال ايه عن التفرقة بينهم ؟؟














لازم نتحد يا مسلمين طالما متفقين على كلمة " لا إله إلا الله " يبقى لازم نتحد




أي مسلم لازم يكون في حياته كلها شغال بالولاء و البراء




طبعا فيه سؤال :




يعني إيه الولاء و البراء ؟؟؟؟؟




ببساطة :


الولاء : إني أحب و أنصر الله و رسوله و الإسلام و المسلمين


و كل من زاد قربه من الله بالطاعة يزيد ولائي له و أحبه أكتر



و البراء عكسه




يعني ببساطة المسلم لازم يحب أخوه المسلم لمجرد إنه مسلم




طيب لو المسلم دة بيطيع ربنا ؟؟؟؟ يبقى لازم أحبه أكثر




يا جماعة كلنا مسلمين على منهج أهل السنة و لله الحمد و لازم نتحد في وجه أعداء الدين




قال الله تعالى : " إِنَّ هَذِهِ أُمَّتُكُمْ أُمَّةً وَاحِدَةً وَأَنَا رَبُّكُمْ فَاعْبُدُونِ (92) "




المفسرون بيقولوا معناها : دينكم دين واحد

اللي بيربطنا كلنا ببعض هو الدين مش حاجة تانية

الأخوة في الله :

الصحابي كان لو أخوه كافر كان بيحب المسلم أكثر منه لأنه مسلم و بيعبد ربنا

برضه نقولها تاني : " المسلمين إخوة أكتر من الأخوة من الأب و الأم "


و يكفي كمان من فضل المحبة في الله إن من السبعة الذين يظلهم الله في ظله يوم لا ظل إلا ظله : رجلان تحابا في الله اجتمعا عليه و تفرقا عليه

شوفتم الحب في الله عظيم إزاي و ثوابه كبير ازاي ؟

ليه نشتم بعض و بالشتايم دي كلها ؟

ليه المسلمين يكرهوا بعض ؟ و علشان ايه ؟؟؟؟؟

انت عارف لما تشتم بلد معينة مثلا عدد سكانها مليون يبقى إنت خدت مليون سيئة بكلمة ؟؟؟ لأنك شتمت مليون واحد

فما بالك لما تشتم بلد أكبر ................ هتيجي يوم القيامة تلاقي سيئات كتير

تيجي تسأل السيئات دي ليه ؟
دي علشان انت قولت كذا جملة شتمت فيها شعب بلد كذا و خدت بكل جملة ملايين السيئات

هل دة يفرحك ؟؟؟

ليه نشتم بعض و نخلي اليهود يشمتوا فينا هم و كل أعداء الدين ؟

ليه كل دة ؟

شوف رسولنا الكريم بيقول إيه ؟ " صلى الله عليه و سلم " :

لأنه مسلم فكل دة حرام عليا ناحيته مينفعش اشتمه و لا اضربه و لا اسرقه

كل دة علشان ماتش كورة ؟؟؟؟ و هنستفيد ايه ؟؟

قبل ما تجاوبوا و تزعلوا من كلامي كملوا للآخر

ماتش الكورة هيدخلنا كاس العالم صح ؟؟

و هنكسب ايه لو دخلنا كاس العالم ؟

لالالالا

هنكسب ايه لو طلعنا النهائي و كسبنا كاس العالم ؟

هنروح الجنة أكيد ؟

هنقابل ربنا و نقول في ميزان حسناتنا إننا أخدنا كأس العالم و شتمنا إخواننا المسلمين ؟؟؟؟



احنا طبعا عاوزين نكسب بس يعني ايه نكسب ؟؟؟؟؟

تعالوا نشوف كده
الخسارة يعني ايه ؟؟؟؟





تعالوا نشوف :


المصريين و الجزائريين و السعوديين و الليبيين مسلمين

يعني إخوة

مش أعداء

و عمر المسلمين ما هيكونوا أعداء بسبب لعبة يا جماعة


عاوزة أقول حاجة أخيرة قبل ما نخلص

كلمة أخيرة

إحنا فين من ديننا ؟

نصرنا ديننا ؟ خدمنا ديننا زي ما خدمنا الكورة ؟

ليه مش مهتمين بديننا يا شباب ؟؟؟

الكورة مش هتكون في ميزان حسناتي يوم القيامة لكن الدين هو اللي هيكون في ميزان حسناتي

يا ريت نرجع لديننا يا جماعة و بسرعة في أقرب وقت

و يا ترى نسينا إخواننا المسلمين المستضعفين في كل مكان في الأرض

فلسطين و العراق و أفغانستان و الشيشان و الصين و غيرهم

نسيناهم ؟؟؟؟
شكرا لأنكم سمعتوني للآخر



يلا يا جماعة نلغى التعصب وياريت اللى كان ناوى على حاجة بلاش .. أرجووووووووووووك بلاش





ونزيل شعار .. أنا مصري .. أنا جزائري





טּטּטּ ونرفع شعار أنا مسلم טּטּטּ

استاذة بجد
تسلم ايدك يارب
يارب نعقل كلنا ونبطل التعصب الرهيب ده
جـــــــــــــــــــــــــــــزاكى الله كل خيــــــــــــر
مجهود رائع ومميز من اخت عزيزة علينا كلنا
نورتى المنتدى برجوعك
وشفاكى الله وعافاكى

بجد عندك حق جزاكي الله خيرا

ما شاء الله عليكى
يارب ياحبيبتى نهدى شويه ونبطل التعصب الاعمى دا
وصلت انهم يطلقوا لفظ الجهاد على تشجيع المنتخب
لاحول ولا قوه الا بالله

جزاكى الله كل خير على الموضوع الهام جداااا

بس ايه قولك بقى لما تعرفى كمان ان شيوخ جزائريين استحلوا دم المصريين لا حول ولا قوه الا بالله العلى العظيم ربنا يثبتنا على الاسلام

بارك الله فيك يا لمياء وجعله في ميزان حسناتك بجد الموضوع جميل جدا وعندك حق في كل اللي قلتيه وياريت نعمل بيه كلنا عارفه يا لمياء نتيجه لاعمال الشغب اللي بتحصل بعد المباريات فيه فتوي طلعت من مشيخة الازهر بتقول انه يجب تطبيق حد الحرابه علي مثيري الشغب لان اعمالهم دي تعتبر ارهاب

السلام عليكم ورحمة الله وبركاتة اختى لمياء لقد اطلعت على هذا الموضوع بعد القاء وبعد ماحدث لاخواننا فى السودان اين الاخوة فى قوم ينعتوننا باليهود والصهاينة اين الاخوة فى من يدبر المؤامرة لاخية اين الاخوة والدين فى تحريفهم لكلمات القران اين الاخوة فى الدفع ب600 مسجون قبل المبارة لالحاق الاذى بنا هل مازال رايك بعد ما شاهدتة من مناظر ضد اخواننا واخواتنا واطفالنا اخبرينى هل هؤلاء الناس فعلا يدينون بالاسلام

dodo كتب:جزاكى الله كل خير على الموضوع الهام جداااا

بس ايه قولك بقى لما تعرفى كمان ان شيوخ جزائريين استحلوا دم المصريين لا حول ولا قوه الا بالله العلى العظيم ربنا يثبتنا على الاسلام

اللهم امين اختى الغالية وسعدت بمرورك

ronny كتب:بارك الله فيك يا لمياء وجعله في ميزان حسناتك بجد الموضوع جميل جدا وعندك حق في كل اللي قلتيه وياريت نعمل بيه كلنا عارفه يا لمياء نتيجه لاعمال الشغب اللي بتحصل بعد المباريات فيه فتوي طلعت من مشيخة الازهر بتقول انه يجب تطبيق حد الحرابه علي مثيري الشغب لان اعمالهم دي تعتبر ارهاب

اديد ارهاب وخصوصا بعد اللى حصل فى المباراة الاخيرة حسبى الله ونعم الوكيل

المؤمن التقى كتب:السلام عليكم ورحمة الله وبركاتة اختى لمياء لقد اطلعت على هذا الموضوع بعد القاء وبعد ماحدث لاخواننا فى السودان اين الاخوة فى قوم ينعتوننا باليهود والصهاينة اين الاخوة فى من يدبر المؤامرة لاخية اين الاخوة والدين فى تحريفهم لكلمات القران اين الاخوة فى الدفع ب600 مسجون قبل المبارة لالحاق الاذى بنا هل مازال رايك بعد ما شاهدتة من مناظر ضد اخواننا واخواتنا واطفالنا اخبرينى هل هؤلاء الناس فعلا يدينون بالاسلام

اخى الفاضل اكيد انت عندك حق فى كل اللى بتقولة وخصوصا بعد اللقاء الاخير فى السودان و الاعتداءات الوحشية والهمجية على المشجعين المصريين، لان لادين ولا اسلام يقر بهذة التصرفات الوحشية وماحدث يعتبر بكل المقاييس مجزرة وخطة محكمة الغرض منها النيل من مصر وشعبهافحسبى الله ونعم الوكيل لان مافعله الجزائريون ضد المصريين لا يمكن أن يحدث فى أى مكان فى العالم لأن المسألة فى النهاية كانت مباراة فى كرة القدم،

وعجلت اليك ربى لترضى كتب:جزاكى الله خير الجزاء اختى لمياء موضوع فى غايه الجمال وعندك حق فى كل كلمه والله ....









بس اضافه بسيطه الحكايه مش حكايه تعصب

الحكايه بقت حكاية كرامه وعزة نفس سيبك من اللى حصل

بس كرامتنا فى السودان اتهانت ادام العالم كله وطبعا لازم

على كلام رسولنا المسامح كريم وكلام ربنا والعافين عن الناس

بس برده ده مش يرضى ربنا واللى اتعمل فينا ده مش عدل

حسبى الله ونعم الوكيل فى السفهاء اللى عملوا كده انا مش

بتكلم فى الكوره انا بتكلم على المأساة اللى حصلت

عارفه ان فى واحد من اسكندريه عندنا سافر السودان ولحد

الآن لسه مش رجع البيت كلم اهله فى البيت وبيقولهم

الجزائرين محاصرين البيت ومش مخلينا نخرج , بذمتك ده

يرضى ربنا ؟؟؟

يعينى اخته بتتكلم بحرقه شديدة جداااا بسبب اللى حصل

انا نفسى ادايقت واتعاطفت معاها .....

واخيرا بتمنى كل كلمه كاتباها تتحقق وفعلا هنعمل ايه

بالمكسب النيا تلاهى وشاء ربنا ان الاحداث ديه تحصل فى

اخير ايام الله وفى شهر عظيم زى ده


اعزك الله وارضاكى على موضوعك الجميل ده

تسلم يمينك واتمنى من الله انه يزيدك كمان وكمان

اكيد اتهانا بكل المقاييس لان من المعروف إن الفوز أو الهزيمة فى المباراة يجيئان ويذهبان .. هذا هو حال الكرة ولكن الذى يبقى وينتصر هو الحالة الجماعية للجمهور هو احترام الملعب والقدرة على تجاوز اللحظة برغم عنفها النفسى نتيجة الشحن الجماهيرى أو التعاطف الكروى .. تلك اللحظة الحرجة التى امتحن فيها الجمهور المصرى سواء فى أم درمان أو فى استاد القاهرة أو أمام محطات التليفزيون وعليه أن يقبل النتيجة .. بروح رياضية حقيقية وبأخلاقها وقيمها المستقرة .. بل أجزم بأنه خرج فائزا منتصرا على نفسه وعلى رغباته الآنية أو اللحظية".
وطبعا اؤكد ان جمهور الملعب المصرى يجب أن يكون سعيدا بل ومبتهجا برغم خسارتة .. لأنه خرج منتصرا فى هذا الاختبار القاسى الذى عاشه بكل وجدانه وخرج منتصرا فائزا بأصول اللعبة وقواعدها المستقرة، بينما شاهدنا أمامنا جمهورا منافسا لم يقبل النتيجة فى حالتها الأولى وفريقه خاسر بالقاهرة فانهزم بداخله عندما تجاوز فى حق المصريين والممتلكات المصرية فى الجزائر .. وعندما انتهك بكل المقاييس كل الفواصل والحدود بين البلدين ولم يعرهما اى اهتمام ضاربا اى اخوة واى صداقة بين البلدين بعرض الحائط .
وأؤكد أن المباراة .. مباراة كرة .. تنتهى مهما تكن النتيجة ولكن أخلاقها وقيمها وأسلوب إدارتها تكشف معدن وجوهر الشعوب ودرجة تطورها ونموها الأخلاقى والنفسى واعتقد اخى الفاضل ان معدن الشعب المصرى ظهرا واضحا فى حسن نيتة عند ذهابة الى السودان فلم يذهب بطائرات عسكرية كما فعل الجزائريون اكيد كلنا عشنا موقفا عصيبا وعانينا الاما وقضينا يوما حزينا ليس بسبب ضياع التاهل لنهائيات الكاس ولكن بسبب ماحدث للمصريين وا الم بهم من الام معنديش كلمة اقولها غير حسبى الله ونعم الوكيل

احنا ياجماعه اتهنا بكل المقاييس ولازم يكون قيه رد للى حصل لان احنا لو مرديناش عليهم هتبقى طيبه لالالالا دى هتبقى خيبه واهدار للكرامه وووو حاجات كتير قوى ليه يقولوا علينا يهود كل وحد يقولى بقى فين الحكومه عملت ايه للمصريين المحتجزين فى الجزائر كل اللى قدروا يعملوه بعد الضرب والمهانه هو شكر السفير السوداى وفى الاخر كمان تيجى السودان وتقول ان مصر بتتهمها بالتهاون فى حمايه ارواح المصريين انا مش عارفه والله مصر والمصريين هيلاقوها منين ولا منين من جوه (الحكومه الفاشله) ولا من بره من الدول العربيه وللاسف فى نفس الوقت اسلاميه وحسبى الله ونعم الوكيل

حسبى الله ونعم الوكيل ده كمان لسه فى نااااس والله لحد انهارده لسه مش وصلوا مصر عندنا كمان فى اسكندريه اخت يعينى مقهوره وهى بتتكلم على اخوها اللى مش وصل لحد انهارده كمان فى اخت اسمها ندى مصريه وعايشه فى الجزائر تقريبا من كام يوم بتستغيث حد ينقذها من الحصار والبهدله اللى هى فيه وفى الاخر نطلع ا حنا اليهود وهما الخضرا الشريفه سبحان الله المسأله مش حكايه مباراة كرة قدم وبس ده اكتر من كده بكتير المسأله دخلت فى الدين والسياسه هقول ايه ولا ايه ولا ايه لا حول ولا قوة الا بالله ولا اله الا الله وحسبى الله ونعم الوكيل ...

هو كلام رائع وممتاز وصحيح
بس أيه رأيك فى الحصل ده يرضى مين ده الكل أثبت أن جماهير الجزائر مكانوش جماهير عادية لكن جابوهم من السجون والمقاهى وتم تمويلهم من الداخل والخارج
كل ده حصل لما أتهزمنا إنما إذا فزنا تخيلى أيه الكان حصل معنى كده إن كل ده مدبر لمصر وللشعب المصرى
وللامة العربية والأسلامية

ايوه طبعا ده من قبل المباراة ده كمان الجمهور المصرى مسكوا يهودى قاعد فى المدرجات المصريه فى مباراة القاهره
واليهود بيكتبوا فى الصحف بتاعتهم لابد من تهدئه الوضع بين مصر والجزائر إذا الحكايه مدبره من قبل اللقاء بتاع القاهره لأشعال الفتنه بينا وبينهم واللى للأسف وقعوا فيها ودخلت عليهم يعنى مش عندهم لا دماغ ولا عقل شيع شيع حا حا بظبت كده ...