قصيدة البتـــــــــاع (أحمد فؤاد نجم) للناس اللى تفهم !!!

يا للي فتحت البتاع
فتحك على مقفول
لأن أصل البتاع
واصل على موصول
فأى شئ في البتاع
الناس تشوف على طول
والناس تموت في البتاع
فيبقي مين مسؤول ؟
وإزاي حتفتح بتاع
في وسط ناس بتقول
بأن هذا البتاع
جاب الخراب مشمول
لأنه حتة بتاع
جاهل غبي مخبول
أمر بفتح البتاع
لأنه كان مسطول !
وبعد فتح البتاع
جابوا الهوا المنقول
نكش عشوش البتاع
وهد كل أصول
وفات في غيط البتاع
قام سمم المحصول
وخلا لون البتاع
أصفر حزين مهزول
وساد قانون البتاع
ولا عله ولا معلول
فالقاضي تبع البتاع
فالحق ع المقتول
والجهل زاد في البتاع
ولا مقري ولا منقول
والخوف سرح في البتاع
خلا الديابه تصول
ويبقي البتاع في البتاع
والناس صايبها ذهول
وأن حد قال دا البتاع
يقولوا له مش معقول
وناس تعيش بالبتاع
وناس تموت بالفول
وناس تنام ع البتاع
وناس تنام كشكول
آدي اللي جابه البتاع
جاب الخراب بالطول
لأنه حتة بتاع
مخلب لراس الغول
باع البتاع بالبتاع
وعشان يعيش على طول
عين حرس بالبتاع
وبرضه مات مقتول

لالالالالالالالالالالا البتاع ده زى الفل
زى قصيده الحاجه لايمان البكرى
بس التانيه مفهومه حبه

ربنا ياخد بتاعنا

من بقك لباب السما يا( تيفة )ربنا ياخد بتاعنا

السلام عليكم ورحمة الله وبركاته

أخى الحبيب : رحم الله الشيخ إمام ومد فى عمر الفاجومى
لقد كانت هذه القصيدة وغيرها من عيون ما كتب الفاجومى ترجمة لما كان يحدث فى وقت كتابة القصيدة .
والقصيدة تصلح لكل عصر وأوان رغم أن صاحبها كان يقصد بها عصرا معينا وموقفا معينا وشخصا بذاته .
ورغم اختلاف الأراء حول أحداث هذه الفترة من تاريخنا المعاصر

إلا أن أحدا لايستطيع أن ينكر أثرها على تغيير خريطة مصر الاجتماعية والسياسية داخليا وخارجيا .
لك جزيل الشكر أخى الحبيب على هذه الرحلة التاريخية التى أثارت الشجون وحركت الدموع فى المآقى .
بارك الله فى البتاع ..
أقصد فى مجهودك الطيب
وننظر المزيد من البتاع اللى اتعودنا عليه منك

ههههههههههه
جميلة اوى قصيده الباع دى
ويااارب ارحمنا من البتاع وخلصنا منه وكفايه عليه البتوع الكتير اللى اتخدوا بس كل بتاع وليه يوم برضه واحنا مستنيين اليوم ده
جزاك الله كل خير على كل ما هو مميز ورائع وبتاع برضه

بارك الله فيكم وجزاكم الله عنا كل الخير
وربنا يهدى حتة البتاع بتاعنا

جميله اوى البتاعه دى
قصدى القصيده
لكن فى سؤال هى تقصد بتعنا ولا بتاعهم
جزاك الله خيرا اخى منذر على القصيده

هذه قصيدة هزلية للشاعر أحمد فؤاد نجم خص بها البتاع الراحل محمد أنور السادات
ونحن نخص بها البتاع الحالى ربنا يهديه علينا


url=http://www.3asq.net/][/url]

والله يا اخى البتاع بتاعنا راجل كمل بس البتاع اللى جاى بعد البتاع اللى قاعد مش عارف حيبقى اية نظام البتاع دة والبتوع اللى مع البتاع حيروحوا فين