انا عصيت ربنا امبارح ......بس مبسوطة........

لسلام عليكم ورحمة الله وبركاته



أنا انهاردة ياجماعة مبسوطة جداااااااا


لأنى بصراحة إنهاردة عصيت ربنا


ومهمنيش


جاهرته بالمعصية ومفرقتش معايا



طب وإيه يعنى
المهم اتبسطت وقضيت وقت جميل وخلاص



ايه دا ... إيه دا ....؟؟



مالكم كدا بتحتقرونى بينكم وبين نفسكم؟!!


انتو كمان زييى


أه زيى


أو كنتم زيى


وماتستغربوش أو ى كدا وتقولوا


لالالالالالالالا
دااحنا بنحب ربنا واستحالة نحاربه




لاء انتوا حاربتوه وبتحاربوه







طيب عيشوا معايا شوية فى المواقف دى كدا ونشوف سوا
هل إحنا بنحارب ربنا ولا لاء







أنا مبسوطة جداااا لأنى ..امبارح شفت حتة فيلم للمثل اللى بحبه
بس كان ايه تحفة كان نفسى أسمعه أوى من زمان
وماصدقت انه اتعرض
*********


أنامبسوط جدااااااا لأنى خرجت مع صاحبتى وقضينا وقت جميل أوى مع بعض
واتفسحنا وعشنا لحظات جميلة أوى
**********


أما أنا مبسوطة جداااا لأنى إمبارح اتعرفت على واحد من المنتدى
بعت لى رسالة خاصة وبيطلب منى نتعرف وأنا ارتحت له أوى
وارتحت فى الكلام معاه
أصله بصراحة مواضيعه جميلة وأسلوبه رقيق أوى


***********


أنا مبسوط جداااا



كنت فى شات روم واتعرفت على بنت ارتحت اوى فى الكلام معاها



وكلمتها مايك بس صوتها جميل أوى
وقعدنا نتكلم للصبح
*****




أنا مبسووووووطة جدا امبارح سمعت ألبوم المطرب .....
الألبوم تحــفة وأغانيه جميلة أوى فعلا كنت هموت وأسمعه
انتو عارفينى بأه
مينفعش ينزله جديد وميكونش عندى


**********



أنا مبسوط
حضرت حتة فرح بس كان إيه ...... ماأقولكمش ...
ع البنات واتعرفت على واحدة كان كل الشباب بيحاولوا يوقعوها
بس محدش قدر غيرى


وع الأغانى ولا العروسة !!
والرقص اللى اللى رقصناه
ولا اللبس ولا ... ولا ......
**********


مبسوطة أوى امبارح كان عيد ميلادى وحضروا لى حتة مفاجأة
كانت حفلة جميلة أوى
والدى جى واختيار الأغانى كان تحفة
ورقصنا كلنا مع بعضينا
********


فرحاااااااان لأننا كنا ف رحلة امبارح
وحصل بأه شوية حاجات


اتعرفنا على شلة بنات من هناك وأخدنا منهم أرقام التليفونات
واتفقنا نتقابل تانى قريب


************




انا منمتش امبارح كنت بأتكلم فى التليفون مع زميلى فى الجامعة
لحد الساعة 3 الفجر
وبعديها فضلت لحد الصبح أفكر فى الكلام اللى حصل


وبالرغم من كل الرعب اللى كنت فيه إن حد يصحى ويحس بيا
بس كنت فى قمة السعادة


*********


أما يوم عيد الحب حضرنا حتة حفلة مع البنات صحباتنا
حفلة نستنا أسامينا
وبعديها خرجنا معاهم كل واحد أخد صاحبته وإتفسحوا سوا
واتمشينا مع بعضينا


***********


أنا إشتريت حتة طقم إنما إيه يابنات روووعة
لو تشوفوا استايل البنطلون
ولا لون البضى جنااان
مشفتش حد لابس منهم
***************
انا مبسوطه اني حطيت صور للفاننين واغاني على المنتدى
بس كانت الردود كتير اوي
وكتي حملوها
*******************
انا مبسوطه اني حطيت في توقيعي صور بنات وكانت عاجبه الكل

من الآااااااااااااااااااااااخر


مبسووووووووووط /ة جداااااا لأنى ............................






عصيــــــت ربنا!!!





هاااا

فكرتوا انكم ممكن تكونوا بتعملوا زيى
أو على الأقل كنتم بتعملوا كدا
يعنى مش لوحدى دا حالنا كلنا


مش هو دا لسان حالنا ياجماعة لما بنعمل المعصية؟
مش دا
حالنا فى المجاهرة بالمعصية ؟




يعنى الحمد لله ربنا سترنا ومفضحناش
الحمد لله ربنا أحيانا ومقبضش روحنا واحنا بنعمل المعصية

مش نسكت بأه ونستر نفسنا
لاء

دااحنا بنخرج وبنجاهر بالمعصية وبنتمنظر بيها كمان !!

وبنقول لربنا
أنا عصيتك
وفرحان انى عصيتك
وهأحكى لكل الناس إنى عصيتك
ومش هيفرق معايا.......

(والله قلبى بينخلع وأنا بأكتب الجزء دا دا
وبجد مش قادرة أكمله
ربنا يغفر لى )



قدرنا ياجماعة نقول كدا ؟؟
قدرنا نغضب ربنا بالطريقة دى؟؟

يااااااااا الله على جهلنا وعلى سوء معاملتنا مع ربنا
وهو ستير لعيوبنا ولذنوبنا وإحنا والله لو ربنا حاسبنا كما يجب
كنا هلكنا دلوقتى من جراير أعمالنا


ياااااااه لما الواحد يفتكر أد ايه كان غافل وبعيد عن ربنا
ولما يفتكر ذنوبه وازاى ربنا كتب له الحياة علشان يكفر عنها


وتحسبونه هيناً وهو عند الله عظيم

يعنى حاجات عمرنا ماتخيلنا انها تعمل كدا أو انها ممكن تكتب مجاهرة بالمعصية
وعلى فكرة أنا مش مكبرة الموضوع ولا حاجة
*******


دى تذكرة بسيطة ليا وليكم وأتمنى أكون قدرت أوصلكم قصدى

علشان لو فيه حد فينا لسة بيجاهر بالمعصية يتنبه وياخد باله
ولو كان حد فينا عمل كدا زمان
وربنا هداه دلوقتى لكن ماتابش
يتوب
لأن الذنب لو ماتبناش منه ربنا هيحاسبنا عليه حتى لو كنا بطلنا نعمله


وطبعا دى كلها مواقف من وحى الخيال لكنها وااااقعية جدااااااا

بس حبيت أتكلم بصيغة المتكلم لأنها بتوصل أسرع وأفضل فى التعبير..



رب إجعل هذا العمل صالحا

ولوجهك الكريم خالصا



ولا تجعل لى منه حظا

ولا للشيطان منه نصيبا

وتقبله منى ياربنا قبولا حسنا

السلام عليكم ورحمة الله وبركاته

أختى الفاضلة :

جزاكِ الله خير الجزاء على مواضيعك الهادفة التى تنكأ الجراح

وتزيد الآلام ألما فوق ألم .

نعم كلنا هذا الشاب ، ونعم كلكن هذه الفتاة إلا من رحم ربى ....!؟
إن من أعظم الابتلاءات التى أبتلينا بها: محاولة الظهور بصورة ترضى المخلوق على حساب الخالق فالكل يرتدى مسوح الدين ويتزيا بالتدّين ، ويتحين الفرصة المناسبة بعيدا عن الأعين والرقباءلارتكاب فعلته ناسيا الرقيب الذى لاتدركه الأبصار وهو يدرك الأبصار وهو اللطيف الخبير . ويجب أن نواجه أنفسناإذا كنا حريصين فعلا على الإصلاح ونتساءل بوضوح ودون مداراة : ما الذى يساعد على وجود كل ما تفضلتى بذكره بل ويؤدى إليه؟
- هل هى الأسرة التى غاب عنها راعيها لموته وهو على قيد الحياة ؟
-هل هى المدرسة ومنظومة التعليم الفاشلة والتى من صور فشلها المتعددة:اعتبار الدين مادة غير أساسية ؟
- هل هو اختفاء الصحبة الطيبة التى تعين على العمل الصالح ؟
- هل هو غياب دورالمؤسسات الدينية وعدم استقلالها ؟
- هل هو الإعلام الفاسد ؟
- والإعلام يتهم الجمهور وبيقول : اللى مش عاجبه ما يتفرجش ..
- فهل هو انعدام الوازع الدينى ؟
- هل هو انتشار الفساد ورضا المجتمع بوجوده بل والتشجيع عليه ؟
-هل هو الجهل باللغة والدين واكتفاءنا بالقشور؟
- هل هو انعدام القدوة فى محيط كل منا فأخذنا نبحث عنها بين الفنانين والفنانات ؟
- أم أنها كل هذه الأسباب مجتمعة ؟
مابلاش وجع قلب الله يبارك لك لأن الكلام كتير والفعل مفيش وكلمة الحق بتزعل والناس كلها عايزة اللى يطبل لها عشان تمسك صاجات وترقص .

جزاك الله كل خير اختى فى الله
وعفا الله عنا وغفر لنا ما كان منا من خطأ او جهل
فكرتينى بموقف كان قدامى كانت فى حفله فى الصحراوى مش عارفه بمناسبه ايه كده المهم البنت دى صحيت من الفجر ولبست وطلعت هى ومجموعه على الصحراوى علشان الحفله اللى كان فيها فلان المهم انها زى ما قلتى كانت جاية مبسوطة اوى اوى وطايرة من الفرح عارفه وهى بتحكى قدامى كان صعبان عليه اوى ومكنتش عارفه ايه السر فى فرحتها دى ده الواحد لو شاف فلان ده معدى من جمبه ولا هيتاثر عادى واحد زينا ايه الفرق فكلامك اكيد صح والعيب فين او المشكله من اين من كل اتجاه بيت وتعليم وشارع وتليفزيون وحاجات كتير اوى اوى
ربنا يهدى جميع بنات المسلمين وشباب المسلمين

يا صاحب الخطايا : أين الدموع الجارية ؟
يا أسير المعاصي ابك على الذنوب الماضية ،
أسفاً لك إذا جاءك الموت و ما أنبت ،
وا حسرة لك إذا دُعيت إلى التوبة فما أجبت ،
كيف تصنع إذا نودي بالرحيل و ما تأهبت ،
ألست الذي بارزت بالكبائر و ما راقبت
بجد رائع الموضوع ياريت كلنا نتعظ

تسلمولى اخوانى (سبحان الله وبحمدة )واخواتى(نوشا وحجابى تاجى) على مروركم العطر وردودكم الطيبة اللى اكيد اسعدتنى

ما شاء الله اسلوب مميز فى عرض الموضوع

وللأسف اللى بيعمل المعصيو ويجهر بها دى حاجة فعلا صعبة بس هما بيعملوا كده لأنهم شايفين كل اللى حواليهم غلط فى غلط وللأسف مش بياخدوا الكويسين قدوة

وربنا يهدى الجميع ان شاء الله

gehad 95 كتب:ما شاء الله اسلوب مميز فى عرض الموضوع

وللأسف اللى بيعمل المعصيو ويجهر بها دى حاجة فعلا صعبة بس هما بيعملوا كده لأنهم شايفين كل اللى حواليهم غلط فى غلط وللأسف مش بياخدوا الكويسين قدوة

وربنا يهدى الجميع ان شاء الله

اللهم امين ياحبيبتى ونورتى موضوعى