لو حاسس ان والديك ليهم حق اتفضل؟

اولا يشرفنى ان اكون اول المشاركين فى الموضوع الرائع

بالنسبه لوالداي فهم اعظم اناس عرفتهم
واكثر اشخاص احبهم فى الوجود
وانى مهما كتبت او قلت لن اوفيهم حقوقهم على
بالنسبه لوالدى رحمة الله عليه
انا لا اعرف عن ماذا اكتب من كثرة ما فعله معى ليس الكلام وحده يكفى
هو توفى وانا فى الثالثة عشره من عمرى واتذكر اخر يوم قبل وفاته ومع المرض صمم ان يبقى بالعمل ولم يشتكى مرة واحده
وانا سوف اذكر موقف مازل فى ذاكرتى الى الان
كنا عند جدتى وهى تسكن فى قريه وكانت تفصلها عن العمار طريق زراعى وعندما انهينا االمدرسه انا واختى ذهبنا عند جدتى ولكن كان الطريق بكامله مظلم فماذا نفعل اختى خائفه جدا من الظلام ونحن لانعرف نرجع البيت لوحدنا وايضا والدتى هى الاخرى عند جدتى
وفجاه ظهر لنا ابى من وسط الظلام لاادرى بماذا اصف شعورى حينها ظهر لنا كالمنقذ وحينها تعلقت فى رقبته ودخلت الى الظلام ولم اخف
وهكذا كان ابى معنا دوما كنا نشعر بالامان ونحن بجانبه
وعندما كنت ابكى لكى اشترى اى شىء كان يبتسم لى ويقول (بس كده ان شاء الله بكره وانا راجع من الشغل هجبهالك معايا)
وكان يتحمل كثيرا لكى يسعدنا حتى قبل وفاته بقليل كان يبتسم ويدب الامل فينا وكان لايعرف اليأس
رحمه الله رحمة واسعه
وربنا يحفظ جميع الاباء
اما عن والدتى :
يكفى انها بعد وفاة والدى لم تتزوج وتحملت الكثير كى لا تشعرنا بفقد والدى
هى شخصيه عظيمه جدا مثال للتضحيه وانكار الذات دائما تبكى فى المساء ولكن تخفى دموعها عنا ولكنى كنت اعلم بكائها
صبرت كثيرا لكى توصلنى لما انا فيه الان ومازالت معى
واتذكر لها موقف من مواقفها معى
كنت اقف فى المطبخ وكنت بجانب البوتاجاز وفى يدى فوطة المطبخ ومن غير قصد النار لمست الفوطه ودب فيها الحريق وانا من الصدمه لم اتحرك فماذا فعلت
ما كان منها الا ان مسكت النار بيديها لكى تطفاها حتى لا تمسنى النار
يا الله على مواقفها ولها مواقف كثيره ولكن لكى لا اطيل عليكم
ولكن يكفى انها علمتنا الاعتماد على النفس وكيف نتغلب على الصعاب ولا نفقد الامل مهما كانت الظروف
وجزاها الله عنا خير الجزاء
وانا بقول لها سامحينى على اى شىء عملته بقصد او دون قصد
وبدعو لابى ان يغفر الله له ويسكنه الفردوس الاعلى
اسفه لو كنت اطلت على حضراتكم
وجزاك الله خيرا اخى فى الله على موضوعك الرائع
.......................................
بجد يا شباب انتم معكم نعمه لا تفرطو فيها ابدا
وربنا يحفظ كل ابائكم وامهاتنا

شرفنا انت نعرف امنا ووالدنا
وهزعل منك لو بلغتهاش سلامى وانها تدعيلى
ولازم لو قدرتى تقبلى قدميها
اطال الله عمرها
ام مثاليه

السلام عليكم ورحمه الله وبركاته اخوانى فى الله

وانا ايضا يشرفنى ان اكون تانى المشاركين فى الموضوع الاكثر من رائع
انا لو فضلت اتكلم من هنا دلوقتى لحد ما اموت على فضل الوالدين لن اعطيهم حقهم ولن اوفى دينهم وجمايلهم عليا وديه حقيقه فعلا بس بالمختصر

انا والدى ضابط بالقوات المسلحه وامى ربة بيت حاليا بس هحكيلكم جزء من حياتى لن انساه ابدا ابدا ابدا

وانا كنت صغير كنت فى ابتدائى كنا ساكنين فى قريه فى البحيره اسمها المعديه المعديه ديه منوره بالنهار ومظلمه حتى بزوغ الشمس المهم والدى كان بيسافر كتير بحكم شغله وبينزل كل فين وفين اما امى بقى فكان العبئ تقيل عليها اوووى لانها بتصحى من بدرى من اساعه 4 قبل الفجر تصحينا عشان نلبس ونروح المدرسه وهى كمان شغلها فى اسكندريه والمشوار بين القريه ديه واسكندريه ساعه مواصلات ويمكن اكتر كمان المهم بتصحينا 4 قبل الفجر تلبسنا وتحضرلنا فطارنا احنا مش بنلحق كمان نفطر فى البيت بناخده معانا عشان اتوبيس شركتها بيستناها 6 فكان كل يوم على كده لا وكمان بقى لما ربنا بيكرمنا ويكون فيه شتاء كانت بتلبسنا الدولاب كله عشان البرد والجو القارص يعنى امى عانت كتييييييير عشانى وعشان اخويا ولما نكون سقعان كانت بتدينى الجاكيت الجلد عشان ماسقعش , ولما كانت بترجع من الشغل كانت بترجع تعبانه يعينى وبتنام لحد تانى يوم تقريبا من التعب اللى بتبقى فيه عشانا كتير ما تحملت من تعب فى سبيلنا تعب وقرف عشانا عشانى وعشان اخويا وطبعا لا استطيع ان انكر تحمل الآلام قبل ان أولد الللى سببها انا طبعا انا عمرى ما شوفت كده حنيه ولا طيبه يارب يخليها ليا يااارب ولا يحرمنى منها يارب
ويخليلكم امهاتكم يا اخوانى واخواتى ويطولنا فى عمرهم ان شاء الله


واسف لو أطلت عليكم و
أسأل أن
يعلمنا ما جهلنا وأن يجعلنا ممن يستعمون القول فيتبعون أحسنه.
اللهمّ اغفر لنا وارحمنا واهدنا واهدِ بنا وثبّت على الحق أقدامنا وأحسن
خواتيمنا وعاقبتنا في الأمور كلها وأجرنا من خزي الدنيا والآخرة…

مشاء الله اخ حسين ربنا يخليلك الوالده
هذه الام الطيبه الحنينه ولاتنسى ان تبلغها سلامى وقبل يدها نيابه عنى

والله هو الانسان لو فضل طول حياته يتكلم عن الوالدين واهميتهم فى حياتنا الكلام مش هيخلص
بداية هما سبب وجودنا وهما اللى يزرعوا جوانا كل حاجة سواء طيبة حنية كرم هدوء اى صفة فينا بتبقى من منهم اى انسان محترم بجد وكويس من جواه عمره مايقدر يزعل امه او ابوه بالعكس دول لازم يكونوا اصحابنا كمان
انا مثلا والدى متوفى وكان عمرى 7 سنين وقبلها هما كانوا منفصلين اصلا وكل واحد فيهم اتجوز بس دة مش معناه انهم كانوا مش واخدين بالهم منى بالعكس بابا عمره ماحرمنى من امى ولا قال هى اتجوزت وبعدت يبقى ماتعرفهاش اطلاقا كنت عايشة احلى ايام حياتى وبعد لما مات عشت فى بيت العيلة ( عيلة بابا ) اتربيت كويس صحيح بس مش زى اللى عاشوا مع ابوهم وامهم لحد ما كبروا وشوفت كتير لكن الحمد لله رب العالمين طلعت كويسة والناس كلها بتشكر فيا وخلصت دراستى وبشتغل من قبل ما اخلص دراستى كمان وعملت حاجات كتير بمجهودى صحيح بس بدعوات امى اللى عمرها مانسيتنى ووقفت جمبى ومعايا وشجعتنى يعنى كان دورها مهم فى حياتى وعشان اثبتلها انها مازرعتش فيا غير الخير والحب والنجاح بجد نفسى اقول كتير بس عشان مطولش عليكم ياجماعة بجد كل واحد فينا لازم يحب ابوه وامه ويصاحبهم ويفهمهم تعرفوا انا عمرى ما عاملت امى على انها مجرد ام دى اختى الكبيرة وصحبتى كل حاجة لازم تعرفها هى سرى وتخاف عليا اكتر من اى حد ( وجودهم فى حياتنا هو اساس حياتنا )
نسأل الله الجنة للوالدين ولنا على برهم
ونسأل الله الرحمة والمغفرة

انسان بسيط انا بجد بشكرك على موضوعاتك الشيقة واحب اقول ياجماعة ان بعد بكرة ذكرى وفاه والدى ال16 ادعو له معى بالرحمة والمغفرة وان روحه تسكن جنة الفردوس وانا ادعو لكل من رحم الله والده او والدته
وجزاكم الله كل خير

ربنا يخليك يارب يا انسان بسيط

يوصل ان شاء الله

ربنا يرحمه يا فاطمه ويسكن روحه اعلى مراتب الجنه ويشرب من حوض الرسول شربة لا يظمأ بعدها ويحشره مع ممن يحب اللهم آمين يارب العالمين

جزاكى الله خيرا يا فاطمه على كلامك اللى بجد هز مشاعرنا نسال الله عز وجل ان يجعل قبر والدك روضه من رياض الجنه ويتغمضه برحمته مع الصالحين الصادقين
وربنا يكرمك على كلامك الطيب عن والدتك وعترافك بفضلها كتير فى احوالك بيزعل
مع اننا ابسط حق ليهم عشان نرضيهم
ربنا يخليهالك وتكون سبب فى نجاحك بدعوتها
وشدى حيلك وثبتى للعالم كله انك تقدرى تنجحى وحققكى احلام والديك

السلام عليكم ورحمه الله وبركاته

اولا انا بشكر انسان بسيط على موضوعه حقيقى اكثر من رائع

جزاك الله خيرا ورينا يخليلك مامتك يارب ويرحم باباك ويجعل مسواه الجنه هو ووالدى وكل اموات المسلمين يارب العالمين...امين يارب

تانى حاجه اسمخولى اتشرف انى اقول جزء بسيط جدا عن مامتى وبابايا الله يرحمه....

بابايا ما شاء الله عليه كل اصحابه بيقولو عليه انه كان من الاتقياء الاخفياء...وفعلا هما صدقوا ف اللقب دا والدى كان دايما يعمل الخير ويبر اليتيم ويسعى لكل انواع الخير ف السر من غير اى حد ما يعرف حتى والدتى وسبحان الله كان بيخبى اى خير يعمله ولما توفى ربنا يرحمه اتعرض علينا كل اعماله اى حد ييجى يعزى يقول بابا عمل فيه خير كتير الحمد لله الحمد لله دا اللى مصبرنا ومخلينا فرحانين جدا يااااااااااارب يكون كل اعماله ف ميزان حسناته ..كان زهيد جدا ف الدنيا وكان يقابل اى سااءه باحسان وانا استغربت كتير من كده لو حد اساء ليه كان هو اللى يسعى انه يقدمله الخير لو اتعرض لشده

واكتر حاجه بحبه فيه حنيته الحمد لله شبعنى بحنانه بحبه اوى اوى اوى بجد حبيبى بابا الحمد لله على كل حال

ياااااااااااااارب اغفرله يارب ان كان محسنا فزد فى حسناته وان كان مسيئا فتجاوز عنه وقه عذابك يارب العالمين...

مامتى ربنا يخليهالى يارب استقالت من شغلها عشان تتفرغ لتربيتنا يارب اكون عند حسن ظنها وربتنا الحمد لله احسن تربيه وكفايه اقول انها هى وبابا مصدر الحنيه اللى فى الكون كله


مهما اتكلمت مش هوفى ولى جزء من حقهم عليا

يارب افضل عند حسن ظنكم

حبيبتى مون لايت
ربنا يرحم والدك ويجعل مثواه الفردوس يارب ويجازيه كل خير عنك يارب
ويارب يجعلك ماما يارب ويكرمها يارب

موضوع بجد رااائع اهم شخصين ف الحياة واعظم نعمة علينا هى نعمة الوالدين .. عطاء بدون مقابل
اشكرك انسان بسيط ع الموضوع

واحب اوجه رسالة شكر كبييييييرة ومهما اقول فيها مش هقدر اوفى حقهم

كفاية انهم مش بيخلونى احس باى هم من هموم الدنيا
بجد ربنا يخليكو ليا ياااااااااااااااا رب