عايزة اعيش قصة حب ... مش انا بنت زى كل البنات ؟؟!!

النهاردة عاوزة اتكلم عن موضوع مهم اوى كل بنت بتمُر الا من رحم ربى
طبعا يا بنات انا بنت زيكم ومريت بمراحل من عمرى كتيرة لو رجع بيا الزمن كنت هظبط فيها كتير اوى
بس خلاص اليوم اللى بيعدى مبيجيش غيره والسنة اللى بتعدى محسوبة من عمرى وعمرك
هكلمكم النهاردة فى أمل كل بنت فى الحياة وامنتيها الوحيدة
انا عاوزة احب واتحب
عاوزة اعيش قصة حب

الايام بتعدى والعمر بيفوت وانا عاوزة اتجوز واعيش حياتى بقى
هو انا هفضل فى بيت اهلى كده كتير ده يأمر وده يشخط وده يتحكم
قال يعنى اللى هتحبه مش هيتحكم فيها !

اغلب البنات على الحال ده دلوقت بتدخل الكلية علشان تحب وتتعرف وتصاحب مع انها المفروض داخله الحرم الجامعى (الحرم) !!!!!
تبص تلاقى البنت ما شاء الله رايحة الجامعة على سنجة عشرة مش ممكن
لبس ملبوس بلبيسه هيفرقع من عليها
مكياج ولا اكنها طالعة من الكوافير حالا
برفان ما شاء الله ريحته توصل من على بعد عشرة متر
طيب ليه ده كله يا اختى
!!!!!!
هيكون ليه يعنى طبعا علشان اكون حلوة لنفسى
طيب لما هو لنفسك مبتعمليش كده فى البيت ليه مانتى برده مع نفسك
تقولك لا وهعمل فى البيت ليه
طيب تانى ارجع واسال
لنفسك برده !!!
معتقدش انه لنفسك هو فى سبب برده بس سبب تانى ومتهيألى انت عارفاه كويس
بس عاوزة اسألك سؤال
يعنى لو جالك ملك الموت حالا هتقوليله استنى شويه ؟؟
ترضى تموتى على حالك ده ؟؟
يعنى لو النبى قابلك دلوقت هتقابليه وتبقى مبسوطة بيه ولا هتخافى منه وتطلعى تجرى تستخبى من منظرك ؟؟
ترضى تقابليه كده ؟؟
طيب لو الآذان أذّن عليك دلوقت وانت فى الشارع هينفع تدخلى المسجد علشان تصلى ولو هتتكسفى من شكلك ومنظرك ولبسك اللى مينفعش تقفى بيه ادام ربنا ؟؟
ترضى على نفسك كده
طيب
ترضى يوم القيامة تلاقى مئات الشباب اللى انت فتنتيهم بجسمك وشكلك ويوم القيامة تلاقيهم بيشاوروا عليك
ويقولوا ده يارب ده اللى فتنتنى واحد يقول انا كنت خلاص هدخل فى الدين بس ده فتنتنى بجسمها !!
وواحد تانى يقول انا خلاص كنت هصلى بس كل لما اجى اصلى الاقى شكلها بمكياجها وشعرها ولا حجابها الملفت ادامى فى الصلاة مش عارفه اصلى هى ده يارب اللى ضيعت صلاتى هى ده اللى خلتنى بمنظرها ادخل موقع اباحى ولا اتفرج على قناة اباحية ولا ابص على الكليبات الماجنة لما شفتها سهم مسموم دخل قلبى ولا استطيع اخراجه
ترضى ... ترضى

يا اختى
اذا كنت ترضى على نفسك كده ياحبيبتى انا مرضلكيش ابدا تكونى على الحال ده
انا خايفة عليك
ولازم تخافى على نفسك
يعنى هو انت فاكرة انك كده ممكن تتجوزى !!!
طيب ازاى تبقى ام مربية اجيال ازاى تبقى زوجة حامله للامانه وللمسئولية لو ارتبطى انت فاكرة انك هتربتطبى بشخص يدخل جنة ؟؟ ولو قبلك كده اكيد هيوصلك لطريق تانى خالص احنا مش عاوزينه
احنا عاوزين
الجــــــــنه
أيــــــــــــــــــــــــــــــــــــــوة
الجـــــــنه
وعلى فكرة بقى علشان تكونى عارفه وعن تجارب كثيرة سمعت عنها
والله الذى لا اله غيره
ما فى حب الا فى الله
الحب فى الحلال انت فاكرة ان الحب ده اللى هيخلى حياتك جنة والله العظيم متهيألك صحيح هيكون جنة بس لحد قبل الجواز لو حصل واتجوزتى اللى حبيتيه ومكنش على دين صدقينى يا اختى هتتعبى اوووووى
اتقِ الله اختى الفاضلى
فى دينك وفى نفسك وفى شرفك وفى اهلك وفى زوج المستقبل
متخليش لك ماضى تخجلى منه ادام ربنا اولا ثم قدام زوجك
هتقولى مش هتجوز
يبقى معندكيش حسن توكل على الله
لانه قال
وفى السماءِ رزقُكُم وما توعدون
فوربِ السماءِ والارض انه لحقٌ مثلما أنكم تنطقون
يعنى جوزك مكتوبلك ورزقك جايلك جايلك

ووالله
قصص الحب بتاع اليومين دول وهم كبير
اسمه
الحب المزيف
تعرفى ايه اول حب
اول حب لما تكونى فى الحلال لما تحسى ان كل لمسه ايه وكل كلمه فى ميزان حسناتك لأنه زوجك
انما انت لو عشتى قصة حب مزيف زى ما اتفقنا
بالله عليك
مش لما بتيجى تنزلى تقابليه بتبقى بتستخبى لاحسن حد يشوفك من اهلك ولا قرايبك !!!
يعنى انت كده من اللى ربنا قال عليها
بتستخبى من الناس وربنا احق ان تخافى منه وتتقيه وتخشيه
صحيح ماحدش شافك بس ربنا بصير عليم
مش لما بتكلميه بتبقى موطيه صوتك وعامله الموبيل من غير صوت لاحسن حد يسمعك !!!
صحيح محدش سمعك لكن الله هو السميع البصير
والله يا اختى
ومنْ يتقِ الله يجعل له مخرجا ويرزقه من حيث لم يحتسب

هااااااااا
لسه عاوزة تعيشى قصة حب
لسة مصّرة على معصيه الله؟
لسة مش خايفة من عقاب الله؟؟!!

اختى
انت مسلمة عندك حياء حافظِ عليها
الحياء زينة الفتاة
اوعى تضيعيه
وتذكرى
ما كان الحياء فى شيىء الا زانه وما انتزع من شيىء الا شانه

ويا اختى
قال الله
ولا مُتخِذات أخدان
يعنى أصحاب وبلغة العصر بوى فرند ولا جرل فرند

انا بكلمك انت لانى عارفه انت ااااايه
انت اهلك ربوكِ على الدين وعلموك ازاى تتقى رب العالمين وتحافظى على حياءك وهيبتك امام نفسك قبل الناس

وانت الاساس انت اللى بتخلى اللى ادامك يحترمك وانت اللى بتخلى اللى ادامك يحاول انه يتقربلك
وتذكرى
لا تخضعى بالقول فيطمع الذى فى قلبه مرض
حجابك
عفتك - طهارتك - نقائك



ومن ترك شيئا لله عوضه الله خيرا منه
لو مصاحبه سبيه لله
ووالله هيعوضك ربنا خيرا منه
حب الله حب رسول الله
وحب الناس



وأوعى تقولى ربنا مش هيسامحنى ولا هيقبل توبتى
أوعى ده ربنا غفور رحيم

قال تعالى
" قل يا عبادى الذين اسرفوا على انفسهم لا تقنطوا من رحمة الله
ان الله يغفر الذنوب جميعا انه هو الغفور الرحيم"
صدق الله العظيم
ربنا
كريم
ورحيم
وعظيم
ولما يغفركل ذنوب العالم
مش هينقص من ملكه شئ
ماتنسيش الحوار اللى حصل بين الله عز وجل
و الشيطان لعنه الله لما كان الشيطان
خارج من الجنه بيقول لربنا
(وعزتك وجلالك لاغوينهم اجمعين ... وربنا بيرد عليه وبيقوله
وعزتى وجلالى لاغفرن لهم ما دامو يستغفروننى)
ايه رأيك !!
فمن صبر على طاعة الله تعالى اعطاه الله تعالى يوم القيامة
ثلثمائة درجة في الجنة كل درجة ما بين السماء والارض
ومن صبر على محارم الله اعطاه الله يوم القيامة ستمائة درجة كل درجة مثل ما بين السماء السابعة والارض السابعة

اللهم ان ذنوبى عظيمة ولكن
عفوك مغفرتك اعظم فاغفر لى وتب على
~~~
بحبكم فى الله جميعا


~~~~
دعاء سيد الإستغفار
~~
" اللهم أنت ربي لا إله إلا أنت خلقتني و أنا عبدك وأنا على عهدك ووعدك ما استطعت ، أعوذ بك من شر ما صنعت ، أبوء لك بنعمتك على و أبوء لك بذنبي فاغفر لي فإنه لا يغفر الذنوب إلا أنت "

اللهم ارزقنى حبك وحب من يحبك وحب عمل يقربنى الى حبك

بارك الله فيكى اختى لمياء ذكرتى ووصفتى واقع البنات بتعيشه من زى بيلبسوه واختلاطات وعلاقات بارك الله فيكى

انا بفكر اخدك ونلف بميكروفون على الجااااااااامعات بالذات الجامعات ونقول الموضوع دا للشباب والبنات لعلهم يستفادو ويتعظو

ربنا يهديهم جميعا

جزاك الله كل خير اختى فى الله

موضوع رائع رائع رائع جداااااااااااااا
بارك الله فيكى يا لمياء
وفى ميزان حسناتك يارب
وربنا يديكى كل اللى نفسك فيه امين يارب
فعلا اللى بنشوفه فى الجامعة بيخلى قلبى يتقطع من الحسرة على البنات

السلام عليكم ورحمة الله وبركاته

جزاكم الله خير الجزاء
أختى الفاضلة ...
المعادلة صعبة ....!!؟
وطرفا المعادلة به خلل ...!!!؟
والنتيجة هى ما توصلتى إليها فى موضوعك الواقعى المرير

الخلل يبدأ من البيت ويزيد الشرخ فى المدرسة ...!!؟
ويصبح البناء أيلا للسقوط فى الجامعة ..!!؟
ويقوى كل ذلك ويساعد عليه مجتمع يرى الخطأ ويغمض العينين عن إصلاحه ,هذا إن كان يعرف أنه خطأ ....!!!؟
الله المستعان
وحسبنا الله ونعم الوكيل
وإنا لله وإنا إليه راجعون

جزاكى الله خيرا اختى الطيبةولكن هناك خلط بين التبرج والحب والاختلاط اولا التبرج معروف امرة وهو وباء على صاحبتة ثانيا ليس الحب فى كل الاوقات مقابلات وتليفونات انة يوجد الحب الذى ينمو بداخل القلب هدفة الاسمى الارتباط فقد روى عن رسول الله صلى الله علية وسلم انة قال عن السيدة خديجة ان الله رزقة حبها ثالثا الاختلاط توجد اراء مختلفة لعلماؤنا الافاضل فى الاختلاط وكل شخص على نيتة باختلاطةسواء فى العمل او الدراسة اما بالنسبة للملبس فالاحتشام والحشمة مطلوب للفتاة حتى لاتكون مطمع لمن فى قلوبهم مرض ولكن علمتنى الحياة ان الحكم على الناس لايكون من اشكالهم او ملابسهم ولكن من اعمالهم

جزاك الله كل خير اختى فى الله
موضوع رائع فعلا فقد قمتى بمناقشه موضوع حيوى وشائع فى مثل هذه الايام فى الجامعات وايضا المدارس وانا معاكى اختى الغاليه فى كلمه وحرف وحاجات كتير شفناها فى المدارس والجامعات قدام عنينا
وكلامك كله ما شاء الله واقعى والله يا جماعه من ترك شيئا لله ابدله الله خير منه وخلوا يا بنات اول حب واول كلمه واول لمسة حتى تكون لزوجك فى الحلال لانك بكل بساطه هتشعرى بيها وهتحسيها لانها فى الحلال على العكس لو معاذ الله حدثت فى الحرام لن يشوبها الا كل الم وشعور بالذنب

بشكركم اخوانى الافاضل واخواتى الفضليات على مروركم العطر وعلى ردودكم التى اسعدتنى على موضوعى وربنا يباركلى فيكم كلكم يارب