طرائف أثنين سمعهم تقيل!!!

الأول : الاتوبيس ده بيروح مصر الجديدة؟


الثاني : على الحديدة !!... ليه انت طالب احسان؟


الأول : بذرة الكتان !! لا ..دي تلاقيها عند العطار


الثاني : جزار !! اه ..قوللي كده .. عايز تشتري لحمة


الأول : معك حق.. الدنيا زحمة ..علشان ده ميعاد خروج الموظفين


الثاني : نور الدين !! لا والله .. ماعرفوهش



الأول : ما بتشربوش!! ليه ..كفا الله الشر؟



الثاني : رأس البر !!! ..ده مــصيف هادي



الأول : عايز تركب للمعادي... دي منطقة جميلة



الثاني : بليلة ؟!! انت شكلك كده جعان



الأول : عيان ؟!!! أي والله .انت باين عليك عيان ..طيب ما تروح للدكتور



الثاني: الحنطور !! ده احسن من الأتوبيس ، وبيوصلني لحد الباب



الأول : هبــــاب !!! وانا اللي كنت فاكرك محترم



الثاني : اتخـرم !! هو مين ؟؟



الأول : عاوز اسـبرين ! ليه انت عندك صداع ؟



الثاني : قراع !!! يانهار اسود .. ده مرض خطير



الأول : لا والله مش عايز.؟ وبعدين مش بأحب الفطير.. تقيل على المعدة وتمنه غالي



الثاني: خالي.. انت تعرف خالي ؟ ده راجل كبير في السن



الأول : الجن .. نهارك مش فايت ..انت عليك عفريت !؟



الثاني : لا والله ..ممعاييش.. انت عايز الكبريت ليه ..؟ عايز تولع؟



الأول : أدّلع ! أدّلع عليك انت !؟ انت ما تملاش عنيا



الثاني : يقبضوا عليا !! ليه !؟


الأول : انت غريب يا راجل انت..شكلك شحات


(يدفعه من القميص)

روح اشتغل شغلة تاكل منها عيش



الثاني : خيش !! والله ده صوف انجليزي



الأول: بنتك زيزي !!! ربنا يخلّي



الثاني : إنتاج محلي !!! ده مستورد

هههههههههههه

ههههههههههههههههه

لا الاتنين دول ما يقعدوش مع بعض خااااااااااالص

دا ممكن فى مره يسمعو كعادتهم غلط يقتلو بعض

جزاك الله خيرا اخى فى الله ضحكتنى والله

ههههههههههههههههه
جزاك الله كل خير يا اخى

هههههههههه بارك الله فيك اخى

هههههههههههههههههههههههههه
جميله والله
كنا بنعملهم اسكتشات فى الجامعه
زى الاتنين اللى سالو بعض ع المحطه القطر
واحد بيقوله القطر ده رايح طنطا
التانى قاله لالالالالالالالالا دا بيروح طنطا
قالوه اااه افتكرته هيروح طنطا

هههههههههههه
الحوار دا كنا عملينو قبل كده ف حفلة ف المدرسة ... وحتى الان يعنى بقلها هههههههه

شكرااااا ع الطرائف الجميلة

حلوة حلوة
كنت قبل كده همثله اسكتش
بس مش قدرت امسك نفسى من الضحك

جزاكم الله كل الخير على ردودكم العطرة الطيبة
فهدفى من ذلك الموضوع هو أدخال البسمة ألى وجوهكم الكريمة
المستنيرة بحب الله عز وجل
لكم منا جزيل الشكر والتقدير