مسابقة افضل موقف محرج

بسم الله الرحمن الرحيم

مسابقة أفضل موقف محرج

من منا لم يقع له في حياته موقفا محرجا أخجله أمام أصدقاءه وذويه
أو ربما أمام جمع غفير من الناس منهم الحبيب ومنهم العدو
ومن منا لم يمر أمامه أو حصل له صدفة كانت أو مقصودة من أحدهم مقلب
أوقعه في حرج شديد أمام الناس
أعزائي قد توجعنا تلك اللحظات في حينها عندما نتعرض لها
وقد نتأزم منها جسديا ونفسيا ولا نريد أي تعليق من أحد عليها
ولكن بعد مدة من الزمن
عندما نتذكرها نضحك على تلك الأيام
وبعدما كنا نخجل من حدوثها أصبحنا نشارك من حولنا بلحظاتها
ونحدثهم عنها ليضحكوا معنا ويتعلموا الدرس منها
لذا في هذه المسابقة نريد أن نتشارك تلك اللحظات سويا
ونريد منكم أن تراسلونا بمواقفكم المحرجه وهى ان يكتب خمس اعضاء خمس مواقف وبعدذلك بعد اسبوع يعنى يوم الاحد الموافق 23اغسطس ان شاء الله وبعد كدة نحدث التصويت
ودورنا يبدأ في التصويت على تلك المواقف لنرى أشدها حرجا
فيفوز صاحبها
بالوسااااااااااام
وبعدما نعلن النتائج ويفوز الفائز
سنعرض المواقف في موضوع مستقل لنضحك سويا على الماضي الجميل

شــــروط المســـابقة
- أرجو التعبير عن ذلك بوصف تجربة خضتُّموها في حياتكم .. إن أمكن أو لأحد أصدقائكم بدون التعرض أو الخدش في أحد ما بالتصريح أو التلميح !!
- أن يشارك كل عضو بموقف محرج واحد فقط .

مدة المسابقة اسبوعين ،، وسوف يتم أختيار أفضل مواقف عن طريق التصويت.

فى رمضان الماضى فى صلاة العشاء أقبلت على مسجد لكى أرفع فيه أذان العشاء مع العلم بأننى لا أعرف أى أحدا فى المسجد لكى أطلب منه الأستأذان لرفع الأذان
وكنت قد ذهبت ألى المسجد عقب أفطارى مباشرة لكى أسبق أى أحدا قبلى لرفع الأذان وكلما أجدا شخصا داخل المسجد أطلب منه رفع الأذان حتى لو كان ليس له
أى صلة بهذا وتمر الدقائق ويدخل أشخاصا ألى المسجد وأستمر فى طلبى لرفع أذان العشاء فقال لى أحد من تلك الأشخاص بهذا اللفظ
ياابنى أستنى شوية أنا هخليك تدخل ترفع الأذان حتى أحسست أنه كاد أن يضربنى أو
يطردنى ألى خارج المسجد لأننى سببت له أزعاجا من كثرة ألحاحى علية لكى أرفع الأذان
حتى جاءت لحظة رفع الأذان بخمس دقائق وقد كنت على يقين أننى سوف أرفع الأذان حتى اننى وجدت أحدا من خلفى وقد كان شخصا عزيزا على وأحترمه أحتراما شديدا فطلب منى أن يرفع الأذان لأننى أنا الذى كنت سأرفعة
ووافقت له بذلك وقد قلت فى قرارة نفسى أنا أنال من الناس كلاما شديدا ومن الأخرين أحراجاوكلما لازعا ويأتى هذا ويرفع الأذان بكل سهولة وبساطة دون أن يعرف هذا الشخص كم أننى عانيت من أحراج ومن كسوف ومن معاناه لكى أرفع الأذان فوا عجبا على هذا الموقف الغاية فى الأحراج بالنسبة لى

هههههههههههههههههه تعيش وتاخد غيرها ههههههههههه بجد موقف فى غاية الاحراج ننتظر بقية المواقف

حدث لى موقف محرج أيضا وأنا فى المرحلة الثانوية العامة
كان لى أستاذا يلقى علينا حصصا فى اللغة العربية وكان ذلك الأستاذ يتمتع بمهارة عالية فى توصيل المعلومة ألى الطلاب داخل الفصل ولكن على قدر ما يتمتع بمهارة وشطارة فى مادة اللغة العربية على قدر أنه كان له سمعة سيئة لا أذكرها
لأنه صاحب فضل على بعد الله عز وجل
وفى يوم كنت مع زميل لى بالمدرسة وأحكى له عن صفات ذلك الأستاذ وعيوبة التى يحكى بها كل الطلبة داخل المدرسة ولكنى مع ذلك الشخص فتحت له قلبى وتحدثت عن ذلك المدرس حديث سيىء وغير عادى حتى أننى كدت أن أكره ذلك المدرس
وحينما أحكى عن ذلك الأستاذ عن مساوئه وجدت ذلك الزميل يستمع ألى بأنتباه شديد لم ألحظه فى شخص أحكى له قبله عن ذلك المدرس وعن صفاته السيئه وعندما أقول شيئا عن المدرس يقول لى الزميل هذا الكلام على الأستاذ (****)أقول له نعم
وأجد ذلك الشخص يدافع عنه حتى أحسست أن له صلة قرابة بذلك المدرس وعندما أنهيت حديثى عن هذا الأستاذ قال لى ذلك الزميل بالحرف الواحد
(أنت عارف أللى أنت عمال من الصبح تقطع فى فروته ده يبقى مين انا قلتله بسخرية يعنى هيبقى مين يعنى وكيل الوزارة مثلا قالى لا الراجل ده يبقى أبوية
وربنا ما يوقعكم فى الموقف المحرج ده أنا غرقت فى عرقى من شدة الأحراج وبقيت كل ما ألاقى هذا الزميل فى مكان ما أتركه وأذهب ألى مكان آخر
ايه رأيكم فى الموقف المحرج ده مستنى تعليقات حضراتكم على هذا الموقف المحرج

لا بجد موقف فى غاية الاحراج
ياااااااااه
يارب مش يحصلى اابدا كده

ههههههههههه انا لو منك كنت اعتزلت التعليم ههههههههههههههههههههه
كدة شكلك ساقط ساقط ههههههههههههه

بجد فية مواقف محرجة كثير ولكن الموقف الضحك بجدكنت فى الثانوية العامة وكنت راجع البيت بالدراجة بتاعتى وكان فية طريق للبيت وبعدى على كوبرى على الترعة اللى قدام البيت المهم انة صباح اليوم دة شالو الكوبرى عتشان يعملوا تبطين للترعة المهم قبل الدرس اخذت الدراجة وعديت من طريق تانى وانا راجع بالليل نسيت انة الكوبرى اتشال وسايق الدراجة بسرعة رهيبة لقيت نفسى فى منتصف الترعة والدراجة فوقى ومرات عمى طالعة تصوت من البيت وفعلا كاتن موقف مضحك ليا

تعيش وتاخد غيرها ههههههههههههههههههههههه
كدة 3 مواقف يلا ننتظر الردود

السلام عليكم ورحمة الله وبركاته

...حدث موقفى هذا فى إحدى ليالى الصيف التى تقذف بالناس خارج بيوتها هربا من شدة حرارتها ..
كان الموقف ليلا أمام مقهى فى أحد الشوارع العامة...
امتلأ المقهى عن آخره وامتد زحف رواده ليحتل الرصيف الذى أمامه ..
أثناء مرورى أمام المقهى فى طريق عودتى إلى المنزل وإذا برجل كفيف البصر يبلغ من العمر أرذله يمشى متعثرا.., يتحسس مكان خطواته محاولا عبور الشارع والوصول إلى الرصيف الآخر ...!!
الكل مشغول عنه ولا أحد ينتبه إليه مطلقا ...
أسرعت إلى الرجل محاولا مساعدته , وما كدت ألمس يده حتى ...!!!؟
تخيلوا ماذا يمكن أن يحدث فى مثل هذا الموقف ؟
انتفض الرجل كمن مسه مس من الشيطان وصفعنى على وجهى صفعة زلزلت كيانى كله من هول المفاجأة ...!!!؟
هل هو كفيف حقا ولا يرى ؟ :afro:
كيف صفعنى وكيف وصل الى وجهى وكيف يكون بهذه القوة رغم شيخوخته ..كيف وكيف وكيف ..؟
دارت الدنيا بى ولم أنتبه إلا على أصوات رواد القهوة الذين لفت انتباههم صوت الضربة وجلبة بعض المارة الذين تجمعوا أيضا إثر صراخ الرجل
عقدت المفاجأة لسانى وأخذ الذهول منى مأخذه ولم ينته الموقف إلا بقدوم رجل يتشح بثياب الوقار اتضح فيما بعد أنه صاحب حانوت بجوار المقهى ورأى الموقف منذ بدايته ففض الناس وأنهى الموقف وحاول أن يجلسنى معه حتى يهدأ روعى ...إلا أنى أصريت رغم ما حدث على مساعدة الرجل على العبور بينما بعض الظرفاء يصرخ ضاحكا : خللى بالك أحسن يجيب لك العسكرى المرة دى ..!
حقا لقد انتهى الموقف ...
ولكنى مازلت حتى هذه اللحظة أتساءل:
لماذاصفعنى الرجل ؟
ترى أيها القارىء الكريم :
ماذا تفعل إذا كنت مكانى ؟.

فعلا بجد دا اكتر موقف محرج بجد


انا بقى حصلى موقف كل ما افتكره اموت على نفسى من الضحك

احنا كنا ف الكليه وشايفين اصحابنا بيلعبوا صلح مع زمايلنا بعد المحاضره....

وبعدين وانا مروحه انا وانتمتى وراكبين المشروع فى امان الله ...

كنت بحكيلها...بقولها شوفتى حسام زميلنا كان بيضربهم ازاى السوسه دا كان يقف ورا خالص ويمد ايده ويضربهم وهو فى مكانه...."وانا بحكيلها على حسام بشاور بايدى بيمد ايده وهو واقف فمكانه....


مديت ايدى انا بقى على مين ...هههههههههههه على المكان اللى السواق بتاع المشروع ساند راسه عليه ...ااحنا كنا قاعدين وراه

وعماله احكيلها

وفجاه لقيته بيبصلى اوى..قولتله فى حاجه لو سمحت ...قالى انتى ضربتينى على قفايا ولا انا بيتهيالى ...قعدنا نضحك كلنا ضحك جامد جدا وانا عماله احكيلها ولا هو ف دماغى لوا اخدت بالى انى شاورت بايدى



يلا يعيش وياخد غيرها

ههههههههههههههههههه

ههههههههههههههههههههموقفكم فظيعة بجد تعيشوا وتاخدوا غيرها ههههههههههههه انا حصلى شبة موقفك يا زامون لايت اننا كنت راكبة فى الاتوبيس انا وصحبتى وفى راجل اقرع قدمنا وصحبتى بقولها شدى الستارة شوى شمس جاية عليا جات بتشدها شدتها اوى وهى وراجعة بالستارة ضربت الراجل على قرعتة ضربة جامدة بصراحة بصيلنا انا بصيتلها وبصتلة عاملت نفسى بدور على ازازة الميو والمشكلة بقولها فين ازازة المية واحنا فى رمضان دة من لخمتى هههههههههه يلا مش مشكلة ان شاء الله يا اخواتى فاضل موقف واحد ونبدا الاستفتاء على المواقف معانا الاخ مونز والاخ المؤمن التقى والاخ سبحان الله وبحمدة والاخت زامون لايت فاضل متسابق واحد يلا

اختى حياتى كلها لله


انتى كمان موقف محرج خالص ممكن يكون هو الخامس



يلا بقه عشان نبدأ التصويت

انا بقا هحكيلكم موقف عجيب اوي حصل معايا في الثانويه كان في واحد عندنا مجنون ولو كان مسك حد بيموته تحته المهم مش هطول عليكم انا في مره انا وجماعه صحابي هربنا من المدرسه علشان نلعب بقا ونهيص روحنا ركبنا القطر المحلي وفوجئت بالراجل المجنون ده معانا في القطر وكنت كل ما اروح في عربيه من عربيات القطر يروح ورانا روحت لقيت عربيه فيها واحده جيرانا وناس اعرفهم يعني كبار المهم قعد انا على كرسي لوحدي جنب باب القطر وصحابي قعدوا في اخر عربيه القطر والقطر وقف سعتها في مزلقان راح المجنون شاف صحابي وجري عليهم وهما بينزلزا قالوله يا مجنون بقا وهيصوا ساعتها هوا سمع الكلام ده اتجن وهما صحابي من تحت يقولولي يلا يا طاهر انزل وبصوت عالي ويفضول ينادوا عليا انا بقا سبتهم وسبت الراجل ده علشان انا مكلمتهوش ولا عملتله حاجه لقيته راح رمه واحده اداني قلم على وشي بس قلم محترم صوابعه الخمسه علمت على وشي وانا قاعد جنب حيراني وانا مش عارف اعمله حاجه هوا مجنون وطويل اوي عليا وجامد انا بقا عايز ادمع من كتر القلم وعايز ابقا متماسك روحت سيبته وجريت وفضل يجري ورايا وروحت اخدلي اسبوع عند قرايبي علشان مروحش البيت وجيراني يفضلوا يضحكوا عليا وده اكتر موقف اتحرجت فيه في حياتي ومحدش يضحك بقا .......