حياتى كلها لله

الرمز:
عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك
شكرا
ادارة المنتدي

احنا شباب بنحب الخير .... ونحب نوصله للغير

المواضيع الأخيرة

» فلتر Eye candy 4000 للفوتوشوب
الجمعة أكتوبر 10, 2014 2:13 pm من طرف هشام73

» ارشادات صيانة جيبسون 35699066 ضمان + اصلاح فورى 01283377353 منطقة المهندسين
الأحد أكتوبر 27, 2013 1:46 pm من طرف ضمان معتمد

» الصيانة ايديال ايليت اصلاح فورى + خدمة ما بعد الصيانة 35699066 _ 01092279973 الزمالك
الأحد أكتوبر 27, 2013 1:45 pm من طرف ضمان معتمد

» الصيانة كاندى اصلاح فورى + خدمة بعد الصيانة 35699066 _ 01092279973 الزمالك
الأحد أكتوبر 27, 2013 1:44 pm من طرف ضمان معتمد

» مركز صيانة غسالات باساب 35710008 ضمان معتمد عام كامل 01092279973 باساب الدقى
الأحد أكتوبر 27, 2013 1:42 pm من طرف ضمان معتمد

» خدمة عملاء فاجور تقدم صيانة فورية +ضمان معتمد لمدة عام 35710008- 01223179993 الهرم
الأحد أكتوبر 27, 2013 1:41 pm من طرف ضمان معتمد

» الصيانة طومسون 35710008 اصلاح فورى + خدمة متابعة ما بعد الصيانة 01092279973
الأحد أكتوبر 27, 2013 1:39 pm من طرف ضمان معتمد

» الرائدون في صيانة سلتال35699066 - 01223179993 متخصصين ل الاصلاح المنزلى
الأحد أكتوبر 27, 2013 1:38 pm من طرف ضمان معتمد

» الماهرون فى صيانة جولدى 35699066 صيانة فورية + متابعة بعد الصيانة 01092279973 فيصل
الأحد أكتوبر 27, 2013 1:36 pm من طرف ضمان معتمد

» مركز خدمة صيانة اندست 35699066 صيانة غسالات اندست 01223179993 صيانة المهندسين
الأحد أكتوبر 27, 2013 1:35 pm من طرف ضمان معتمد

» الماهرون فى صيانة ويرلبول 35699066 صيانة فورية + متابعة بعد الصيانة 01092279973
الأحد أكتوبر 27, 2013 1:33 pm من طرف ضمان معتمد

» الصيانة وايت ويل اصلاح فورى + خدمة بعد الصيانة 35699066 _ 01092279973 الزمالك
الأحد أكتوبر 27, 2013 1:31 pm من طرف ضمان معتمد

» الصيانة وايت وستنجهاوس اصلاح فورى + خدمة بعد الصيانة 35699066-01092279973
الأحد أكتوبر 27, 2013 1:30 pm من طرف ضمان معتمد

» خدمة عملاءجنرال اليكتريك تقدم صيانة فورية +ضمان عام 35710008 - 01223179993
الأحد أكتوبر 27, 2013 1:28 pm من طرف ضمان معتمد

» ارشادات صيانة كلفينيتور 35699066 ضمان + اصلاح فورى 01283377353 المهندسين
الأحد أكتوبر 27, 2013 1:26 pm من طرف ضمان معتمد

احصائيات

أعضاؤنا قدموا 25219 مساهمة في هذا المنتدى في 3366 موضوع

هذا المنتدى يتوفر على 529 عُضو.

آخر عُضو مُسجل هو mosad salah فمرحباً به.

المتواجدون الآن ؟

ككل هناك 3 عُضو متصل حالياً :: 0 عضو مُسجل, 0 عُضو مُختفي و 3 زائر

لا أحد


[ مُعاينة اللائحة بأكملها ]


أكبر عدد للأعضاء المتواجدين في هذا المنتدى في نفس الوقت كان 57 بتاريخ الإثنين مارس 15, 2010 10:36 pm


    شرح تنصيب ويندوز xp

    شاطر
    avatar
    حياه بلا ذنوب
    مشرفة
    مشرفة

    انثى عدد المساهمات : 2077
    نقاط : 2592
    تاريخ الميلاد : 25/10/1986
    تاريخ التسجيل : 21/08/2009
    العمر : 31

    شرح تنصيب ويندوز xp

    مُساهمة من طرف حياه بلا ذنوب في الأحد سبتمبر 27, 2009 12:39 am



    طبعا كلنا بنتعرض فى اى وقت من الاوقات انه يحصل اى شىء لا قدر الله فى سيستم جهاز الكمبيوتر بتاعنا انا قولت ان ممكن يكون فى ناس زيى كده بيعتمدو على حد ينزلهم نسخه جديده علشان ما يعرفوش ينزلو نسخه بس انا الحمد لله اتعلمت فحبيت انى اعلم اللى ما اتعلموش زى ما انا اتعلمت وان شاء الله انا ها اشرح خطوه خطوه وبطريقه مبسطه جدا


    بسم الله نبدء

    المطلوب هما حاجتين اتنين :

    1 - جهاز سى دى و طبعا اغلب الاجهزة و ان مكانشى كلها دلوقتى فيها سى دى و يمكن دى فى دى

    2 - اسطوانة ويندوز اكس بى xp ذاتية التحميل Bootable اى نوع سواء كان home eddtion او profissional و دى سهل انها تتجاب نسخة منها من اى مركز كومبيوتر او سيبر



    الخطوة الاولى

    ندخل اسطوانة الويندوز داخل السى دى و نعمل ريستارت للجهاز هنلاقى ان الاسطوانة بدات تشتغل
    نضغط مسطره

    الخطوة الثانية

    هتلاقى ان لون الشاشة اتحول للون الازرق و تحت شريط باللون الرمادى و كلام فى الشريط كل شوية بيتغير كل دا كلام جميل و بكدا بدانا عملية تنزيل الويندوز و مش مطلوب مننا اننا نعمل اى حاجة خالص خالص لحد ما توصل لينا الصورة دى





    و هى عبارة عن رسالة ترحيب يا اهلا و سهلا و منورنا و الله انك هتنزل الويندوز و بيديلك 3 اختيارات هتكمل العملية و لا مش هتكمل و تحت فى الشريط الرمادى هتلاقى الاختيارات دى طبعا احنا هنضغط على كلمة Enter لاننا عاوزين نكمل اما لو انت خايف و مش عاوز تكمل يبقى تضغط على F3

    الخطوة الثالثة

    طبعا بضغطك على على الخطوة السابقة هتتنقل على الخطوة اللاحقة و هتظهرلك على الشاشة بالشكل دا



    طبعا انتوا شايفين الصفحة الطويلة العريضة دى كلها انا مش مطلوب منى غير انى اضغط على F8 و بس لانوا معناه انى موافقه على الكلام دا

    الخطوة الرابعه

    ركزوا معايا بقى يا شباب و يا بنات لانها خطوة مهمة جدا هتظهر ليكوا الرسالة بالشكل دا





    الصورة دى بتوضح فين بالظبط انت عاوز تنزل ملفات السيستم طبعا فى اغلب الاجهزة بتنزل ملفات السيستم على البارتشنC علشان كدا لو انت جهازك فيه كذا بارتشن هتلاقى كل البارتشنات ادامك و المطلوب منك تختار البارتشن سى و تضغط على الزراز Enter

    تحذير مهم : لازم تاخدوا بالكم كويس انكوا اختارتم البارتشن C لانكوا لو لا قدر الله اختارتم اى بارتشن تانى غيره يبقى ملفات السيستم هتنزل عليها و كل اللى فى البارتشن دا هيتشال علشان زى ما بقولكوا الخطوة دى مهمه جدا

    الخطوة الخامسة

    بعد كدا نتنقل للخطوة اللى بعد كدا و هى تحديد شكل الفورمات و تكون بالشكل دا




    و يلاحظ انوا مديلك اربع اختيارات لشكل الفورمات FAT . NTFS . FAT (quick) . NTFS (quick و انت ليك مطلق الحرية انك تختار اللى يعجبك و ان كنت افضل انك تختار FAT و بعد كدا تضغط على Enter

    الخطوة السادسة

    فى الخطوة دى مش مطلوب منك غير انك تستنا لان فى الوقت دا الجهاز بيعمل فورمات للبارتشن C و بيشيل الملفات القديمه و يجهزه لاستقبال ملفات السيستم الجديدة و تكون بالشكل دا




    و بعد ما تخلص الخطوة دى هتلاقى الخطوة اللى بعدها بنفس الشكل بس الملفات الجديدة هى اللى بتنزل و لما يخلص هيقولك ان الجهاز هيعمل ريستارت بعد 15 ثانية و الموضوع دا بياخد وقت بيعتمد على امكانيات و سعة جهازك عشان كدا ممكن انت وقتها تعمل كوباية شاى او تروح تصلى و ترجع

    الخطوة السابعه

    و فعلا الجهاز مكذبشى انوا عمل ريستارت فعلا و مش مطلوب منك اى حاجة تعملها الا انك تنتظر هتلاقى الجهاز بيعمل كل حاجة لواحدة و بيقولك ان ملفات السيستم بيتم تنصيبها دلوقتى و بيديلك وقت تقريبى 39 دقيقة و يبدء يقل مع كل عمليه بتتم و الله لو عاوز تستنى براحتك المهم عند الدقيقة 32 او 33 تقريبا هتلاقى رسالة ظهرت ليك بالشكل دا




    و الرسالة دى مجرد تظبيطات احنا هنعملها سوا اول حاجة هنظبط اعدادات اللغة عشان نخلى الجهاز يدعم اللغة العربية هنضط على الزرار customize و منها هنلاقى رسالة متجزأة لثلاث شرايح اولها Regional option و التانية Languages و التالتة Advanced كل اللى هنعمل هنختار تانى واحدة اللى هى Language و نعلم صح على جنب كلمة install fiiels for complex scripts and right to left language و نضغط على زرار Apply كدا يبقى حطينا اللغه العربية فى الاعدادات

    بعد كدا نرجع للشريحه الاولى اللى هى Regional option و نختار من الاختيارات Arabic egypt و تحت هتلاقى اختيار ال location هنختار Egypt

    بعد كدا ننتقل للشريحة التالتة اللى هى advanced و نعمل نفس السيناريو اننا نختار Arabic egypt

    و بمجرد ما نضغط على OK هنرجع لنفس الصورة اللى فوق و مش مطلوب مننا بعد كدا غير اننا نضغط على Next

    الخطوة الثامنه

    هتظهر ليكوا رسالة بالشكل دا



    و مش مطلوب منكم غير انكم تحطوا اسم انتوا تختاروه فوق و تحت بس لازم يكون انجليزى و بعد كدا تضغطوا Next

    الخطوة التاسعه

    و هى خطوة وضع السيريال نمبر للاسطوانة هتظهرلكوا بالشكل دا


    و المطلوب هنا وضع السيريال نمبر فى الفراغات الموجودة ادامكوا مع الاخذ فى الاغتبار ان فى اسطوانات مش محتاجة سيريال و فى اسطوانات بتحتاج عشان كدا لازم لما تجيبالاسطوانه تتاكد من الموضوع دا المهم اننا نضغط على Next بعد ما نحط السيريال


    الخطوة العاشرة

    هتظهر ليكوا الصورة دى


    مش مطلوب منكوا اكتر انكوا تعملو Next من غير ما تحطوا adminstrator password او فى حاله confirm password الا فى حاله انك عاوز تحط باسورد على الجهاز


    الخطوة الحادية عشرة

    و هى ظبط الوقت و هتظهر بالشكل دا



    كل المطلوب منك انك تعدل فى Time Zone و تختار Cairo و على فكرة انت اول ما هتغطى على السهم هتلاقيها اخر حاجة ظاهرة ليك تختارها و تضغط Next

    الخطوة الثانية عشرة


    هتظهرلك الرسالة دى مش مطلوب منك اكتر ضغط على Next




    و نفس السناريو مع دى كمان


    و انساه بقى ينصب ملفات الويندوز براحته انت لو مشغول او وراك حاجة لمدة ربع ساعه تقريبا روح اعملها و ارجع تانى بعد كدا هتلاقى ان الجهاز عمل ريستارت مش مطلوب منك غير انك تطلع اسطوانة الويندوز منشكرين عملت اللى عليها


    الخطوة الثالثة عشرة

    بعد الجهاز ما يعمل ريستارت سيبه براحته لحد ما تطلعلك الرسالة دى



    و مش مطلوب اكتر من غير تضغط على OK


    الخطوة الرابعه عشرة

    مجرد حلاوة روح بقى لان خلاص السيستم نزل على الجهاز



    مش اكتر من انك تضغط على Next



    و هنا بيطلب منك انك تعمل اب ديت لنسخة الويندوز بس انت تختار الاختيار التانى اللى هو Not right now و تضغط على Next بعدها



    مش اكتر من انك تضغط على skip


    هنا بقى هو بيسالك انت عاوز تسمى اسم الجهاز ايه عشان لو ظهر على شبكه النتورك و طبعا انت حر اختار الاسم اللى يريحك و لو مختارتش هو هيختار متقلقش المهم اعمل Next فى نفس الوقت كفاية اسم واحد لو عاوز


    طبعا الخطوة دى مش محتاجة شرح و بيقولك متشكرين تعبناك معانا المهم اضغط Finish

    الخطوة الاخيرة

    خلاص كدا خلصنا تنصيب سيستم اكس بى على الجهاز و معدتشى ناقص غير انك تحط اسطوانة التعريفات الخاصه بالبوردة عشان النظام يتعرف على كروت الشاشة و الصوت و اللان الخ و هى بمنتهى البساطة تجيب اسطوانة التعريفات و تحطها فى السى دى و تعرف الكروت و تعريفات كروت البوردة انت تنصب البرامج اللى انت محتجاها و بس





    تبقى كلمة اخيرة

    شفتوا بقى الموضوع سهل و فى منتهى البساطة ازاى و لا محتاجين نروح لسيبر و لا نروح لمركز كومبيوتر لان اللى انا شرحته هو بالظبط اللى بيعملوه لا اكتر و لا اقل





    كن كـ الورد كلما انـجرح "بقطرات المطر" يفوح عـــطرا ...!!!!

      الوقت/التاريخ الآن هو الأحد نوفمبر 19, 2017 12:26 pm